Oqyrman...
...ún qosady Latyn árpinde dıktant jazdy Elbasy N.Nazarbaevtyń «Bolashaqqa baǵdar: rýhanı jańǵyrý» baǵdarlamalyq maqalasynda Qazaq eli 2025 jylǵa deıin latyn álipbıine kóshiriledi delingen bolatyn. Osy maqalany basshylyqqa ala otyryp Shetpedegi Mańǵystaý tehnıkalyq kolledjinde 30-ǵa jýyq stýdent N.Nazarbaevtyń «Jyldar men oılar» atty kitabyn negizge ala otyryp danalyq sózderdi latyn álipbıin negizge alyp dıktant jazdy. Maqsat – aýyl jastary men turǵyndaryn búginnen bastap latyn álipbıine kóz júgirtip, qoldaryn úıretý arqyly jazýǵa mashyqtandyrýǵa shaqyrý, latyn álipbıimen nasıhattaý, úgitteý. Osyndaı is-shara aýdandyq ortalyq kitaphananyń oqyrman zalynda da ótkizildi. Jastardyń latyn álipbıimen jazýǵa degen ıkemi kóńil qýanarlyqtaı dárjede. «Búgingi jazý men úshin erekshe boldy. Qazaq grafıkasyndaǵy ǵ, u, ó, y áripteriniń tańbalaryn salý qıyndyqtar týdyrdy. Degenmen yqylas-nıetimniń arqasynda dıktantty 45 mınýtta jazyp bitirdim. Jazýdy úıretken apaılaryma jáne sharany uıymdastyrýshy Jastar ortalyǵyna alǵysymdy aıtamyn. Eń bastysy, nıet pen jiger kerek» deıdi «Jas Otan» múshesi Álııa Jetibaeva. Allabergen QONARBAEV Mańǵystaý oblysy
...úlgi tutady Mereıimiz asqaq bolatynyna senimdimiz Túrkistan oblysyn «Shatqal» kógaldandyrý-kóriktendirý baǵdarlamasynyń júzege asyp jatqany Almaty qalasynda oqıtyn túrkistandyq jastardy maqtanysh sezimine bóleıdi. Baǵdarlamanyń maqsaty – qaraýsyz qalǵan shatqaldardy halyq demalatyn saıabaqqa aınaldyrý. Saı-salalar negizinen qalanyń syrtqy aýmaǵynda kóptep kezdesedi. Osy rette qalanyń damýy kenjelep qalǵan shetki aýdandaryn atalǵan baǵdarlama aıasynda abattandyryp, saıabaqqa aınaldyrý jumystary bastalǵanyna birshama ýaqyt bolypty. Aǵash egiletin 5 shatqaldyń alǵashqysyna, ıaǵnı Tassaı turǵyn alabyndaǵy saı-salaǵa tal-terek kóshetteri otyrǵyzylyp, oǵan «Shymsaıa» degen ataý berilipti. 25 gektarǵa qaraǵaı, arsha, emen, shaǵan, talshyn sekildi boıshań aǵashtar otyryǵyzylǵan eken. Baǵdarlamanyń arqasynda qala syrtyndaǵy saı-salalar qaldyqtar men tógilgen kúl-qoqystardan aryldy. Saıabaqtar salý ekologııany jaqsartý maqsatynda týyndaǵan oı. Eń bastysy, týǵan qalamyzǵa elimizdiń túkpir-túkpirinen ertip kelgen dostarymyzdyń, tanystarymyzdyń aldynda mereıimiz asqaq bolatynyna qýanamyz. Elnury JEŃIS, «Turan» ýnıversıteti jýrnalıstıka fakýltetiniń stýdenti Almaty
...úmit artady Bıik tuǵyrdan kórinýine tilektespiz Dástúrge aınalǵan «Abaı oqýy» bıyl da óz deńgeıinde ótti. Ár jaqtan kelgen úmitkerlerdiń janary jalyndy, kókeılerinde «Jeńiske jetsem» degen maqsat turdy. Qazylar alqasy sheshim shyǵaryp, saıys dúldúlin anyqtap, oblysqa joldama berdi. Ybyraı Altynsarın atyndaǵy jalpy bilim beretin orta mekteptiń oqýshylary «О́leń – sózdiń patshasy, sóz sarasy», «Júırikten júırik ozar jarysqanda» nomınasııalary boıynsha qatarlastarynan ozyq shyǵyp, úmit artqan mektebiniń, ustazdardyń senimin aqtady. «О́leń – sózdiń patshasy, sóz sarasy» nomınasııasy boıynsha jeńiske jetken 8-synyp oqýshysy Móldir Sapar Abaıdyń birneshe óleńderi men qarasózderin naqyshyna keltire oryndady. Qanjyǵasyna 1-shi oryndy baılaǵan shákirtimiz maqtan etýge turarlyq. Bos ýaqytynda kitap oqýmen shuǵyldanatyn Móldir Mahambet aqynnyń 100-ge jýyq óleńderin jatqa oqıdy. Aýdandyq birneshe konkýrstardyń, ǵylymı jobalardyń jeńimpazy atanyp júrgen Móldirdiń aldaǵy ýaqyttarda da jeńistiń bıik tuǵyrynan kórinýine tilektespiz.
Q. QARABASOVA, Y.Altynsarın atyndaǵy jalpy bilim beretin orta mekteptiń muǵalimi Qostanaı oblysy, Amankeldi aýdany
...pikir bólisedi Ermakty óltirgen – Sátbek batyr 1584 jyly kóktemde Ertis jaǵasyn mekendeıtin ýaq taıpasynyń batyry Sátbek qystaýdan kókteýge kóship kele jatady. О́zi súzek dertine ushyrap ázer beti beri qaraǵan, áli tolyq saýyǵa qoımaǵan kezi eken. Jolaı báıbishesiniń aýylyna soqpaq bolǵanda jol boıynda shashylyp jatqan 17 adamnyń óli denesin kóredi. Ishinde báıbishesi, jaqyn týystary bar eken. Sátbek batyr bul atyshýly Jarmaqtyń (Ermaktyń) isi ekenin bilip qalaıda kek alýdy oılaıdy. Kóshti toqtatyp, marqumdardy jerleýge qaldyrady. О́zi baspalap qarańǵy túse báıbishesiniń aýylyna keledi. Sóıtse, Jarmaq qasyndaǵy segiz qaraqshysymen úıinde shalqyp otyrǵanyn biledi. Iti ıesin tanyp úrmeıdi. Qaraqshylardyń uıyqtar aldynda syrtqa shyǵýyn tosyp, jendetterin qylyshpen shaýyp óltiredi de, eń sońynan Jarmaq shyqqanda shapqan qylyshy taıqı tıip, bir qolyn salbyratyp tastaıdy. Ana dáý óte qarýly eken, alysa ketkende Sátbekti astyna basady. Sátbek te boı bermeıdi, biraq súzekten turǵan kiside qanshalyqty ál bolsyn. Bir kezde qyzyna: «Itti bosat!» dep aıqaı salypty deıdi. Arsyldap alasurǵan ıt bosasymen ıesin qorǵap Jarmaqqa aýyz salǵanda ol jaqyn jerdegi Ertiske qaraı táltirektep tura qashypty. Sátbek batyr artynan qýǵanda Jarmaq sýǵa qoıyp ketip, jalǵyz qolymen júze jóneledi. Alaıda arǵy jaǵalaýǵa jete almapty. Orystar bir aıdan soń sýdan Jarmaqtyń súıegin taýypty. Sátbek batyr sóıtip qazaqtyń kegin qaıtarypty deıdi. Meniń baıandaýym erterekte Qarataı degen kisiden estigen áńgime. Onyń anyq emes tustary da bar shyǵar. Bilýimde M.Áýezov atyndaǵy Ádebıet jáne óner ınstıtýtynda «Sátbek batyr» jyrynyń qoljazbasy bolýǵa tıis. Sonda osy oqıǵa tolyq baıandalady. Marat TOQAShBAEV
...alǵys aıtady Shıpager shapaǵaty «Qyryq tistiń qadirin qaqsaǵanda bilersiń, qos aıaqtyń qadirin aqsaǵanda bilersiń» degendeı, adam aýyrmaı saý júrgen kezinde densaýlyqtyń qadirin bile bermeıdi. Júregim shanshyp, janym qysylǵan kezde qasymnan tabylǵan medbıke Aınash Bısemalıevaǵa alǵysym sheksiz. Oral qalalyq klınıkalyq aýrýhanasynda bas dáriger, ári dırektor Arman Qalybekov bastaǵan dárigerler saýyǵyp shyǵýyma úlken kómekterin berdi. Mundaǵy dárigerler men orta býyn medısına qyzmetkerleriniń bári de besaspap maman, óz isiniń sheberleri. Sondaı-aq osy rızashylyǵymdy bólim meńgerýshisi Aıgúl Joldyǵulovaǵa, emdeýshi dáriger Jandos Shoqanovqa aıtqym keledi. Tipti, úsh aı ótken soń aq halatty abzal jandar densaýlyǵymdy qaıta qarap, taǵy da tıisti emdik kýrstan ótýime jaǵdaı týǵyzdy. Olarǵa eńbekteriń janyp, alǵysqa bólene berińder demekpin. Mutıǵulla MÁDENOV, Batys Qazaqstan oblystyq aýyl sharýashylyǵy basqarmasy ardagerler uıymy tóraǵasynyń orynbasary ORAL