Áleýmettik máselelerdi sheshýge múddelilik

Keshe 15 qańtarda óte­tin Parlament Májilisi saı­laýy aldyndaǵy úgit-nası­hat sharalaryna oraı, «Ádi­let» demokratııalyq par­tııa­synyń lıderi Maq­sut Ná­rikbaev Jambyl ob­ly­synda boldy. Oblysqa sa­pa­ry kezinde partııa jetekshisi jýrnalıstermen kez­desip, baspasóz máslı­ha­tyn ótkizdi. Baspasóz-más­lıhaty kezinde birqatar ózekti má­se­leler talqy­lan­dy. So­lar­dyń ishinde Maq­sut Ná­rik­baev birinshi kezekte, oral­mandarǵa qatys­ty má­se­lelerge aıryqsha nazar aýdaryp, qujattardy rásim­deý men azamattyq alýǵa, ba­lalar járdem­aqy­syna baı­lanysty sheshilmeı jatqan problemalardyń túıinin tez arada tarqatýǵa qajetti atqarylýǵa tıisti sha­ralarǵa oraı óz usy­nysyn jetkizdi. Jýrnalıstermen kezdeskennen keıin M.Nárikbaev qapııada kóz jumǵan, qaıtys bol­ǵannan keıin «Halyq Qaharmany» ataǵyna laıyq dep tabylǵan kapıtan Ǵazız Baıtasovtyń otbasymen júz­desip, onyń týǵan-týys­qan­dary men jaqyndaryna kóńil aıtty. Partııa jetekshisi óziniń shynaıy qurmeti retinde qaza bolǵan kapı­ta­n­nyń balalaryna ýnıversıtette tegin bilim alýǵa múm­kindik beretin arnaıy ser­tı­fıkattardy tabys etti. Son­daı-aq, ol bul rette quqyq qorǵaý organdary qyz­met­ker­leri men áskerı azamat­tar­dyń áleýmettik jaǵynan qorǵalýyn qamtamasyz etýdi kúsheıtý máselesin kóterdi. Bul kúni qalalyq Máde­nıet úıindegi saılaýshy­lar­men ótken kezdesýinde Maq­sut Nárikbaev halyqty «Ádi­let» partııasynyń saı­laý­aldy tuǵyrnamasyndaǵy negizgi ereje-qaǵıdalarymen tanystyrdy. О́ziniń sózinde ol partııanyń qoǵamdaǵy ót­kir jáne mańyzdy másele­lerdi sheshýge múddelilik tanytyp otyrǵanyna toq­tal­dy. Sondaı-aq, ol búgingi tańda jastardyń jumyspen qamtylý máselesiniń kún tártibinde turǵandyǵyn, sol sebepti, joǵary oqý oryn­daryn jańa bitirgen, alaıda jumys isteý tájirıbesi joq jastarǵa tıisti kvota bólinýi qajettigin jetkizdi. M.Nárikbaevtyń aıtýyn­sha, Parlament Májilisine saılanǵan jaǵdaıda olar keń kólemdi konstıtýsııa­lyq reformalar júrgizip, zań shyǵarýshy organnyń óki­lettigin arttyrýǵa, táý­el­siz sot júıesin qalyp­tastyryp, atqarýshy bılikten táýelsiz oblysaralyq, okrýgtik jáne halyqtyq beıbit sot bıligin, ıaǵnı bıler sotyn ornatýǵa kúsh salatyn kórinedi. Qazirgi kezde elimizde aza­mattardyń eńbek quqyn zań júzinde qorǵaý qajet­tiligi boı kórsetýde, deıdi «Ádi­let» partııasynyń tór­aǵasy. Olardyń ara­syn­da túr­li mamandyq ıeleri  bar. Ási­re­se, qara­paıym eńbek adam­da­ry ba­sym bolyp ta­by­lady. Biz­diń partııanyń maqsaty – árbir azamattyń  zań­dy múd­desi men quqyn qor­ǵap, olar­dyń laıyqty ómir súrýlerine jaǵdaı týǵyzý. Qazirgi tańda «Ádilet» partııasy saılaýshylardyń 40 paıyzǵa deıin daýysyn alýdan úmitti ekendikterin jasyrmaıdy. Láıla EDILQYZY.