AQSh-ta Qazaqstannyń úsh azamaty "sırek kezdesetin baǵaly kólikterdi satýda alaıaqtyq jasady" degen kúdikpen ustaldy, dep habarlady Qazaqstan Syrtqy ister mınıstrliginiń (SIM) baspasóz hatshysy Aıbek Smadııarov.
Qazaqstan Syrtqy ister mınıstrliginiń baspasóz hatshysy Aıbek Smadııarov shildeniń sońynda Nıý-Iork shtatynda 25 adam ustalǵanyn, olardyń arasynda 1994, 1991 jáne 1970 jyly týǵan qazaqstandyq úsh áıel bar ekendigin aıtty. 1970 jyly týǵan qazaqstandyq densaýlyǵyna baılanysty eshqaıda ketpeý týraly qolhatpen bosatylyp, al qalǵan ekeýi qamaýǵa alynǵan. Sondaı-aq, ustalǵan 25 adam 4,5 mıllıon dollar kóleminde shyǵyn keltirdi degen kúdikke ilingen.
Smadııarovtyń aıtýynsha, Nıý-Iorktegi Qazaqstan konsýldyǵy qazaqstandyqtarǵa konsýldyq jáne quqyqtyq kómek kórsetip jatyr.