Elbasymen – erteńge!

Qazaqstandyqtar Memleket basshysynyń Táýelsizdiktiń 20 jyldyǵyna arnalǵan saltanatty jınalysta sóılegen sózine ún qosady _______________________

JASAMPAZDYQTYŃ JOLYN BASTAÝShY

Men Elbasy Nursultan Na­zar­baevtyń ustanǵan sara saıa­saty men baǵyt-baǵdarla­ma­lary­nyń qoldaýshylarynyń birimin. Qashanda halqynyń qa­myn oılaıtyn Elbasy el Táý­elsizdiginiń 20 jyldyǵyna ar­nalǵan saltanatty jıynda eli­mizdiń osy kezeńde ótken jol­daryn ádemi ádiptep berdi. Osy kezeńde qol jetken jetistikterdi boıamasyz baıandaǵan Elba­sy­nyń sózderinde egemen eli­miz­diń ótken joldary aıqyn ań­ǵaryldy. Muny ár qazaqstan­dyq­tyń sezinip otyr­ǵany shyndyq. Elimizdiń búgingi ekonomıkalyq-áleýmettik da­mýynyń qarqyny dostary­myz­dy qýantyp, dushpanymyzdy qyz­ǵantýda. Ekonomıkalyq da­mýdyń arqasynda halqymyzdyń turmysy jaqsaryp, áleýeti art­ty. Táýelsiz 20 jyl ishinde atqa­rylǵan sharýalarǵa halqy­myzdyń rıza ekendigine kúmán joq. Keńestik kezeńniń 70-jyl­da­rynda barmaǵan alys aýyl­darǵa, eldi mekenderge qazir sý qubyrlary tartylyp, «kógildir otyn» barǵanyn kózimiz kórip otyr. Elbasy qashanda aýyldyń damýyn udaıy nazarda ustap keledi. Elbasy Táýelsizdiktiń 20 jyldyǵyna arnalǵan sal­ta­natty jıynynda sóılegen só­zin­de el ekonomıkasynyń damý baǵyttaryn naqtylap berdi. Táýelsizdik ákelgen jeńister tuǵyrly bolý úshin búgingi jas­tarymyz eren eńbek etýi tıis. Elbasy 15 jeltoqsanda sóı­le­gen sózinde jastarǵa, sonyń ishinde, ǵylymmen aınalysatyn órenderimizge úlken senim art­ty. Bul senimdi aqtaý olardyń azamattyq paryzy ǵana emes, sonymen birge patrıottyq mindeti dep bilýimiz kerek. Ota­nyn qorǵaý úsh­in qyrshyny­nan qı­yl­ǵan Keńes Oda­ǵy­nyń Ba­ty­ry Álııa Mol­da­ǵu­lova­nyń erlik isterin nasıhattaýmen aınalysa jú­rip, eli­miz­diń egemendigi osyndaı qaı­sar ul-qyz­da­rymyzdyń arqa­synda múmkin bol­ǵanyn aıtqym keledi. Elba­sy baıandamasynda elimizdiń qol jetken jetistikterimen qatar erteńgi damý ba­ǵyttary da aı­qyn sóz boldy. Qashanda naqty iske ba­ǵyttalatyn baǵdarla­ma­lar­dy tilge tıek etken Elba­synyń sóz­derinen elimizdiń taıaý jyl­dardaǵy damý baǵyttary aıqyn ańǵarylady. Biz Elba­sy­nyń sózi men isiniń birligine talaı tánti boldyq. Halqyna qyz­met etetin uldyń sózi qashanda ótimdi. Ǵalymjan BAIDERBES, «Qos Shynar» Álııa-Mánshúk atyndaǵy Aqtóbe  qalalyq qaıyrymdylyq qory» qoǵamdyq birlestiginiń tóraǵasy. Aqtóbe oblysy.