«Sıfrly Qazaqstan» baǵdarlamasyna oraı «Elektrondy úkimet jáne memlekettik elektrondy qyzmet» atty oqý kýrstary jer-jerlerde uıymdastyrylyp jatqany barshaǵa málim. Osy joba arqyly Qazaqstan halqynyń sıfrlyq júıe boıynsha bilimin arttyrý qajettigi de týyndap otyr.
Búgin Semeı qalasynda osyǵan oraı semınar ótti. Uıymdastyrýshylardyń aıtýynsha, qala turǵyndaryn ınternet arqyly memlekettik qyzmet túrlerine tapsyrys berý máselesi qyzyqtyrǵandyqtan, osy salany meńgerý semınardyń sońǵy kúnine oraılastyrylypty. Qala ákimi apparatatynyń ókili, semınardy uıymdastyrýshylardyń biri Aıdana Ermuratqyzynyń aıtýynsha, semınarǵa qarapaıym turǵyndardyń barlyǵy qatysyp otyrǵandyqtan da, dáris túrinde emes, suraq-jaýap túrinde ótkizýdi jón sanaǵan. Aldymen taqyrypty túsindirip alǵan soń, jurtshylyqtyń saýaldaryna nazar salynady. Osy jerde bir-eki kompıýter de bar eken. Sol arqyly jumys istep kórýge de bolady. Máselen, HQKO mamandary elektrondy qyzmet úlgilerin, «Qazpochta»AQ-y ókilderi elektrondy saýda-sattyqty, al Semeı qalalyq ákimshiliginiń memlekettik qyzmetkerleri «Ashyq úkimet» taqyrybynda semınarlar júrgizdi. Halyq barlyǵyn zor yntamen tyńdap, bir kisideı atsalysty.
Raýshan NUǴMANBEKOVA,
Semeı