Petropavldyq jas kásipker múmkindigi shekteýli jandarǵa turmystyq zattar úshin qoldanylatyn qajetti qurylǵy jasap shyǵardy.
Mundaı qurylǵylar elimizde esh jerde qurastyrylmaıdy. Onyń avtory Rýslan Smaǵulov biregeı aspapty ózge elder úshin de qurastyrmaq.
«Birde kórshim bankalardy ashyp berýimdi ótinip, kómek surap keldi. Osydan keıin bir qoly joq úı sharýasyndaǵy áıelge járdemdesýdiń jolyn izdestirip, bir aıdyń ishinde osy qurylǵyny jasap shyǵardym», deıdi Rýslan.
Jas kásipker qazir tenderlerge qatysyp, ónimderin Petropavl, Kókshetaý, Astana qalalaryna ótkizip júr. Endi óndiristi keńeıtýdi josparlap otyr. Túıme, kilt, taǵy basqa kúndelikti tutynatyn zattardy ustap turatyn kómekshi quraldarǵa suranys kóp.
«Úzdik áleýmettik joba» óńirlik baıqaýynda jas kásipkerdiń ónertapqysh jańalyǵy jaqsy qyrynan baǵalanyp, 700 myń teńge syıaqy alypty.
Búginde oblysta múmkindigi shekteýli 27300 adam bar. Onyń 2 myńy – balalar. 7 myńǵa jýyq jan Rýslan jasaıtyn qurylǵyny qajet etedi. Qytaı men Reseıde olardyń baǵasy qymbat.
О́mir ESQALI,
«Egemen Qazaqstan».
Soltústik Qazaqstan oblysy