Baǵdarlama Batys Qazaqstan boıynsha tek Atyraý oblysynda júzege asýda, dep habarlaıdy Atyraý oblysynyń О́ńirlik kommýnıkasııalar qyzmeti.
Elbasy joldaýyndaǵy «Sıfrlyq Qazaqstan» baǵdarlamasy aıasynda júzege asqan joba Atyraý oblystyq densaýlyq saqtaý basqarmasynyń qoldaýymen Atyraý qan ortalyǵyna engizildi. «Info-donor» iske qosylǵan 1 aı kóleminde 656 adam elektrondy tirkeýden ótip, donor bolýǵa nıetti ekenderin bildirgen. Onyń 473-i qan tapsyrýǵa jaramdy bolǵan.
«Info-donor» baǵdarlamasy tek jeke kýálik arqyly donordyń ortalyqtaǵy marshrýttaryn avtomatty túrde anyqtap, rettep otyrady. Iаǵnı, tirkeý bólimi – aldyn-ala tekserý zerthanasy – terapevt qabyldaý – qan tapsyratyn zal. Donor osy baǵyttar boıynsha júrip, barlyq bólimderge donor tirkeýden ótkennen keıin ol týraly aqparat jedel elektrondy túrde jetedi.
-Atalǵan baǵdarlama iske qosylǵaly jumysymyz jeńildedi. Mamandar jedel túrde kezektegi donordy qabyldap, analızderin anyqtap, qan tapsyrýǵa jiberedi. Donordyń saraptama nátıjeleri, jumystyń oryndalý barysy júıede baqylaýda bolady. Turǵyndardyń da ýaqytyn únemdeýine qolaıly,-deıdi qan ortalyǵynyń dırektory Jáńgirhan Bahonov.
Baǵdarlama arqyly Atyraý oblysynda tirkeýde turǵan donor jeke kýáligi arqyly júıe iske qosylǵan Qazaqstannyń basqa qalalarynda da tekserilip, donor bola alady.