QR Qoǵamdyq damý mınıstri Darhan Káletaev jáne QR Joǵarǵy Sotynyń tóraǵasy Jaqyp Asanov medıasııa jáne azamattyq qoǵamdaǵy ózge de tatýlasý úrdisteri salasyndaǵy ózara yntymaqtastyq jónindegi memorandýmǵa qol qoıdy, dep habarlaıdy Qoǵamdyq damý mınıstrliginiń baspasóz qyzmeti.
Memorandýmnyń maqsaty qoǵamdyq qatynastardyń turaqtylyǵyn saqtaý boıynsha birlesken jáne kelisilgen is-qımyldar jasaý, qoǵamdaǵy shıelenistiń deńgeıin tómendetý, quqyqtyq saýattylyq pen quqyqtyq sanany arttyrý, azamattardyń jasampaz jumysy úshin memlekette medıasııa mádenıetin damytýǵa jaǵdaı jasaý bolyp tabylady.
Qujatqa qol qoıý barysynda Darhan Káletaev qoǵamdaǵy shıelenisti tómendetýdiń qoldanystaǵy tásilderiniń biri retinde Qazaqstandaǵy medıasııany damytýdyń mańyzdylyǵyn atap ótti. Onyń aıtýynsha, atalǵan memorandýmdy bekitý mańyzdy ári ózekti shara bolyp sanalady.
«О́zderińiz biletindeı, Mınıstrliktiń jańa baǵyttarynyń qatarynda medıasııa ınstıtýtyn damytý bar. Osy baǵytta qoǵamnyń ózin-ózi retteý qabiletin arttyrý jónindegi jobalardy engizý, shıelenis pen daýlardy tıimdi sheshýge qoǵamdyq qurylymdar áleýetin tartý boıynsha belsendi jumystar júrgizilýde», - dedi qoǵamdyq damý mınıstri.
D.Káletaev azamattyq qoǵam ókilderin jáne medıatorlardyń qatysýymen turǵyndar arasynda aqparattyq-túsindirý jumystary jalǵasatynyn aıtty. Sonymen qatar, QR Qoǵamdyq damý mınıstrligi janynda medıasııa ınstıtýtyn damytý máseleleri boıynsha keńes qurý josparlanýda.
Memorandým sheńberinde taraptar azamattyq qoǵam ınstıtýttaryn tartý arqyly tatýlasý úrdisteri týraly zańnamany jetildirý boıynsha yntymaqtastyqty damytýdy, turǵyndarǵa shıelenister men daýlardy retteý boıynsha qyzmetter keshenin kórsetý úshin tatýlasý ortalyqtarynyń jumysyn uıymdastyrýdy, sondaı-aq medıasııa sapasyn jaqsartýǵa jaǵdaı jasaýdy qoldaıdy.
Sonymen birge memorandým qoǵamdyq qatynastardyń turaqtylyǵyn saqtaý, qoǵamdaǵy shıelenis deńgeıin tómendetý, quqyqtyq saýattylyqty arttyrý maqsatynda daýlardy sotqa deıin sheshý mádenıetin damytýǵa; medıasııa jáne ózge de tatýlasý úrdisterin ilgeriletýdiń quraldary men mehanızmderin daıyndaýǵa baǵyttalǵan birlesken jobalarǵa memlekettik organdardyń qatysýyn qarastyrady.