Bul jóninde oblystyq bilim berý mekemeleriniń 2018-2019 oqý jylyna daıyndyǵy máseleleri qaralǵan oblys ákimdiginiń keńeıtilgen májilisinde Oblystyq bilim basqarmasynyń basshysy Bátıma Daýymova málimdedi.
Mektepter memlekettik normatıvterge sáıkes kelmegendikten aýdandyq ákimdikter qaýlysymen jabyldy. Qazir oblys boıynsha jalpy bilim beretin 514 mektep bar. Sonyń 345-i shaǵyn jabdyqtalǵan bilim oshaqtary. Al 108 mektep normatıvtik jelige sáıkes kele bermeıdi. 7 bilim berý mekemesi orta mektepten ortalaýǵa, ortalaýdan bastaýyshqa aınaldy.
«Oblys óńirindegi 175 eldi mekende mektep joq. Al ol jerlerde mektep jasyndaǵy 1621 bala turady. Olardyń 250-i mektep-ınternattarynda oqıdy, 55 bala mektebi bar aýyldardaǵy týystarynyń úıinde jatady, 1316 balany mektepke kólikpen tasıdy. Ol úshin oblysta 139 avtobýs bar. Balany mektepke tasýǵa oblysta 29 avtobýs jetispeıdi» dedi Bátıma Beksultanqyzy.
О́tken oqý jyly Sarykól aýdanynda osy maqsatqa bir avtobýs alynǵan, al Qostanaı aýdanynda qarjy bólingen, biraq áli kólik alynbaǵan. Oblys ákimi Arhımed Muhambetov bul máseleni tezdetip sheshýdi, ol úshin lızıngtik júıemen avtobýs alýǵa shuǵyl qujattar daıyndaýdy tapsyrdy.
Názıra Járimbet,
«Egemen Qazaqstan»
Qostanaı