Búgin Úkimet úıinde Qazaqstan Premer-Mınıstri Baqytjan Saǵyntaev QR-daǵy Iran Islam Respýblıkasynyń Tótenshe jáne О́kiletti elshisi Modjtaba Damırchılýmen kezdesý ótkizdi, dep habarlaıdy QR Premer-Mınıstrdiń baspasóz qyzmeti.
Kezdesý barysynda saýda-ekonomıkalyq, ınvestısııalyq, ónerkásiptik jáne tranzıttik-kólik salalarynda yntymaqtastyqty odan ári jetildirý máseleleri talqylanyp, jer qoınaýyn paıdalaný jáne aýyl sharýashylyǵy salalaryndaǵy ózara is-qımyldy damytýdyń keleshegi qaraldy.
Premer-Mınıstr B. Saǵyntaev sońǵy ýaqytta Qazaqstan–Iran yntymaqtastyǵy jaqsy qarqyn kórsetip, ekijaqty qarym-qatynas damýdyń jańa deńgeıine shyqqanyn aıtty. Prezıdent N. Nazarbaevtyń Tegeranǵa sapary eki el arasyndaǵy ózara is-qımyldy keńeıtýde aıryqsha mańyzǵa ıe boldy. Búgingi tańda Qazaqstanda ırandyq ınvestorlardyń qatysýymen jobalar iske asyrylyp jatyr.
Sonymen qatar, Baqytjan Saǵyntaev bıyl 12 tamyzda Aqtaýda ótetin Kaspıı mańy memleketteri sammıtiniń mańyzdylyǵyn atap ótti. Sammıt barysynda Kaspıı teńiziniń quqyqtyq mártebesi, Kaspııde ekonomıka, kólik, ekologııa, qaýipsizdik jáne t.b. salalarda yntymaqtastyq ornatý máseleleri talqylanady.
О́z kezeginde M. Damırchılý Iran basshylyǵy búginde Eýrazııa óńirindegi jetekshi memleket bolyp tabylatyn Qazaqstanmen yntymaqtastyq máselelerine úlken mán berip otyrǵanyn atap ótti.
«Sońǵy jyldary kóptegen aýqymdy jumystar atqaryldy, ekonomıka salasynda yntymaqtastyq úshin qolaıly jaǵdaılar jasaldy. 2018 jyldyń jarty jylynda eki el arasyndaǵy taýar aınalymy 70 paıyzǵa artyp otyrǵanyn kórip otyrmyz», — dedi elshi M. Damırchılý.
Qazaqstan Respýblıkasy men Iran Islam Respýblıkasy arasyndaǵy dıplomatııalyq qatynastar 1992 jylǵy 29 qańtarda ornaǵan. Ekijaqty qarym-qatynastyń sharttyq-quqyqtyq negizi 60-tan astam kelisimder men qujattardan turady.
2018 jyldyń qańtar–mamyr aılarynda Qazaqstan men Iran arasyndaǵy taýar aınalymy $251,4 mln qurady, bul ótken jyldyń sáıkes merzimimen salystyrǵanda 41,7%-ǵa joǵary ($177,4 mln). 2018 jyldyń qańtar–mamyr aılarynda Qazaqstannan Iranǵa eksport 36,1%-ǵa artyp, $207,2 mln qurady.