Qazaqstan Respýblıkasynyń Tuńǵysh Prezıdenti – Elbasynyń Kitaphanasy men Qory baspa, elektrondyq jáne aýdıovızýaldyq buqaralyq aqparat quraldary qyzmetkerleriniń arasynda belgilengen taqyrypqa arnalǵan úzdik materıalǵa ashyq shyǵarmashylyq konkýrs jarııalaıdy.
Konkýrstyń maqsaty – eldiń táýelsizdik jyldaryndaǵy jetistikterin kórsetý, Qazaqstan memlekettiliginiń negizi retinde «Nazarbaev modelin», Elbasynyń ıdeıalary men bastamalaryn tanymal etý.
Konkýrs tórt nomınasııa boıynsha ótkiziledi:
1) «Úzdik teledıdar materıaly»;
2) «Úzdik radıomaterıal»;
3) «Gazetter men jýrnaldardaǵy úzdik maqala»;
4) «Ǵalamtor-BAQ-taǵy úzdik jarııalanym»;
5) «El júregi –Astana».
Nomınasııalardyń árqaısysy boıynsha jeńimpazdarǵa 1 mıllıon teńge mólsherinde aqshalaı júlde beriledi, al ekinshi jáne úshinshi oryndar úshin tıisinshe – 500 myń jáne 200 myń teńgeberiledi. Odan basqa, barlyq júldegerlerge dıplomdar men omyraýǵa taǵatyn belgiler tapsyrylady.
Konkýrsqa 50 jasqa deıingi jeke jáne ujymdyq avtorlar qatysa alady. Jeke nemese ujymdyq avtor tek bir nomınasııa boıynsha qatysýǵa quqyly. Sonyń ishinde bir taqyryppen biriktirilgen materıaldar sıklyn usynýǵa bolady.
Konkýrsqa 2018 jylǵy 1 maýsym men 10 qazan aralyǵynda resmı jarııalanǵan (alǵash jarııalanǵan, efırge shyǵarylǵan, ǵalamtorda ornalastyrylǵan) biregeı materıaldar qabyldanady.
Konkýrstyń qorytyndysyn quramyna belgili jýrnalıster, Qazaqstannyń kórnekti memleket jáne qoǵam qaıratkerleri engen komıssııasy shyǵarady.
Jeńimpazdardy marapattaýdyń saltanatty rásimi Táýelsizdik kúni qarsańynda ótkiziledi.
Konkýrsqa qatysýǵa ótinimder 2018 jylǵy 1 maýsym men 10 qazan (qosa alǵanda) aralyǵynda kelý tártibimen nemese poshta arqyly myna mekenjaıda: Z05S5X1, Qazaqstan Respýblıkasy, Astana qalasy, Á. Bókeıhan kóshesi, 1, 213 kab., «Qazaqstan Táýelsizdigi jáne Elbasy» konkýrsyna» degen belgimen qabyldanady. Baılanys tel.: (7172) 69-30-54, 69-30-56, 69-30-57, 75-12-15).
Konkýrsty ótkizýdiń sharttary men ýaqyty týraly barlyq aqparatpen www.presidentlibrary.kz,www.fpp.kzsaıttary arqyly tanysýǵa bolady.