Oqý-tárbıe úrdisine jańa pedagogıkalyq tehnologııalardy paıdalanýdyń mańyzy zor. Oqýshy shyǵarmashylyǵyn úzdiksiz jetildirip otyrý úshin ustaz izdenis ústinde bolýy mindetti. Mine, osy maqsatta synybymyzdyń shaǵyn komplektili bolýyna baılanysty oqytýdyń tıimdi ádisterin paıdalaný, úırený jáne tájirıbe almasý qajet.
Sabaq sońynda, ásirese «Eki juldyz, bir usynys» arqyly baǵalaý toptyq jumystardy tyńdaýǵa, aıtylǵan oıǵa kelisetinin, ne kelispeıtinin bildirip oqýshyny synı kózqaraspen qaraýǵa baýlıdy. О́zara baǵalaý men ózin ózi baǵalaý oqýshynyń, muǵalimniń boıyndaǵy kemshilikti joıýǵa birden-bir jol ekenin uqtym. О́zin ózi baǵalaý men ózara baǵalaý nátıjesinde oqýshylardyń toqsandyq bilim sapasynyń alǵa jyljyǵanyn baıqadym.
Sabaq barysynda berilgen tapsyrmany ómirmen baılanystyrýǵa umtylys jasaǵan keıbir oqýshylardy kórgende «myna tapsyrmany myna topqa bergende qalaı bolar edi» dep oılandyryp tastaıtyn da jaıttar kezdesip turady. Tipti toptasyp, sabaqty maqaldatyp óz oılarymen qorytyndylaı bastady. Usynystaryn da bildirip jatady.
Ár jumysqa durys maqsat qoıa bilsek, is-áreketimizdiń alǵa jyljıtyny anyq. Toppen jasaǵan sabaq óte jeńil. Oqýshylar tys qalmaı, bir-birin jeteleıdi. Synybymyzda keıde taqyryptar biriktirýge saı kelmeı jatady. Sebebi, synyptary ártúrli. Biraq soǵan qaramastan synyp boıynsha tıimdi ádister taýyp jatamyz. Osylaı jumysymyz júıeli túrde júrgizilse úlgerimi tómen oqýshynyń sany azaıady dep oılaımyn. Qaı iske kiriserde de adam ony oryndaýdan buryn, júzege asyrýdyń joldaryn oılastyrady. Muǵalim kúndelikti sabaqtarǵa naqty maqsat qoıyp, ony oryndaý úshin utymdy ádisterdi tańdaýy kerek.
Ádis – balaǵa beriletin túrli uǵymdar men tujyrymdardy kókiregine qondyrýdyń eń tıimdi joly.
Anar JOLMYRZAEVA,
Qarasheńgel bastaýysh mektebiniń muǵalimi