QR Ulttyq Banki Basqarmasynyń 30 shildedegi qaýlysymen «Sálem» saqtandyrý kompanııasynyń lızensııasy toqtatyldy, dep habarlaıdy Qazaqstan Ulttyq bankiniń baspasóz qyzmeti.
«Sálem» saqtandyrý kompanııasynyń lısenzııasy bıylǵy 10 tamyzdan bastap 2019 jyldyń 10 aqpanyna deıin toqtatylady. Osy aralyqta kompanııa saqtandyrýdyń mindetti nysanyndaǵy saqtandyrý qyzmeti men qaıta saqtandyrý qyzmetin júzege asyra almaıdy. Atalǵan sheshim «Sálem» SK» AQ Qazaqstan Respýblıkasynyń zańnamasynda belgilengen prýdensııalyq normatıvterdiń talaptaryn saqtamaǵany úshin QR Ulttyq Bankimen qabyldandy.
«Sálem» SK» AQ- nyń Lısenzııanyń qoldanylýyn toqtata turý merzimi aıaqtalǵanǵa deıin qoldanystaǵy saqtandyrý (qaıta saqtandyrý) sharttaryn uzartýdy jáne saqtandyrý syılyqaqylaryn, saqtandyrý (qaıta saqtandyrý) uıymy jaýapkershiliginiń kólemin ulǵaıtý kózdeletin olardy ózgertýdi qosa alǵanda, jańa saqtandyrý (qaıta saqtandyrý) sharttaryn jasasýǵa, sondaı-aq saqtandyrýdyń (qaıta saqtandyrýdyń) mindetti nysandaǵy túrleri jáne qaıta saqtandyrý qyzmeti boıynsha saqtandyrý agenti retinde saqtandyrý deldaldyǵyn júzege asyrýǵa tyıym salynady. Buryn jasalǵan saqtandyrý (qaıta saqtandyrý) sharttary boıynsha «Sálem» SK» AQ ózine qabyldaǵan mindettemelerdi oryndaýǵa mindetti.