«Astana Opera» Kameralyq zal sahnasynda Ǵ.A.Jubanova atyndaǵy Aqtóbe oblystyq fılarmonııasynyń Qazaq kameralyq hory gastroldik saparmen óner kórsetedi. «Qutty meken Aqtóbeden án shashý» konserti 19-tamyzda ótedi.
Aqtóbe oblystyq fılarmonııasynyń Qazaq kameralyq hory respýblıkamyzdaǵy aldyńǵy qatarly hor ujymdarynyń biri. Ujymnyń shyǵarmashylyq joly 1991 jyly bastalǵan. Búginde hor repertýarynda 400-den astam týyndylar bar. Halyq ánderi, qazaqstandyq jáne sheteldik kompozıtorlardyń kameralyq shyǵarmalarymen qatar, ártister V.A.Mosarttyń Rekvıem, K.Orftyń «Karmına Býrana», G.Svırıdovtyń «Pýshkınskıı venok» jáne «Neızrechennoe chýdo», M.Saǵatovtyń «Merekelik kantata» jáne taǵy basqa hor klassıkasynyń kólemdi shyǵarmalaryn oryndaıdy. Kórkemdik jetekshisi jáne dırıjeri – Merbol Quspanov, hormeısterler – Mádı Ábishev, Leıla Kýshanova.
Osy keshte elordalyq kórermenderge halyq ánderi, otandyq jáne sheteldik avtorlardyń jaýhar týyndylary usynylady.