«National Geographic» halyqaralyq basylymynyń tanymal fotosýretshisiniń qatysýymen oblys ortalyǵynda sheberlik saǵaty uıymdastyryldy.
Osy salanyń úzdigi sanalatyn ıtalıandyq fotosýretshi Albertı Dı Maýro, sondaı-aq qazaqstandyq Erbolat Shadrahov pen Dmıtrıı Rýgıs soltústikqazaqstandyq áýesqoı foto sýretshilermen kezdesip, óz tájirıbelerimen bólisti. О́ńirimizdiń qaıtalanbas sulý jerlerin, tarıhı oryndaryn aralap, tanysyp qaıtqan olar alǵan áserlerin ortaǵa salyp, fotoǵa túsirýdiń qyr-syrlaryn áńgimeledi.
«Men kez kelgen kezdesýdiń ashyq dıalogta ótýin qalaımyn. Sonda sheberlikti qalyptastyrýdyń, tabysqa jetýdiń joldary, ózindik qoltańbasy jan-jaqty ashylatyn bolady. Jeke foto jasaý stılime keletin bolsaq, onyń eshqandaı qupııasy joq. Tek tynymsyz izdenip, eńbektene bilý kerek», deıdi «National Geograhic» jýrnalynyń fotosýretshisi Alberto Dı Maýro.
Ǵylymı-tanymdyq jýrnaldyń ókili jergilikti fotosýretshilerdiń nazaryna óziniń tańdaýly jumystaryn usynyp, túsirilý tarıhy jaıly aıtyp berdi. Foto jáne beıne túsirilim bir-birine uqsas. Jaqsy jaqtaryn ıgerip, jumys barysynda paıdalana bilýdiń mańyzy zor. Jergilikti beıneoperator Mıhaıl Kaznacheevtiń oıynsha sheteldik tájirıbeni ıgerý esh artyqtyq etpeıdi.
Sheberlik saǵatyna qatysýshylar túrli saýaldar qoıyp, álemge tanymal jýrnal fotosýretshisiniń jumys laboratorııasynyń qupııa syrlaryna boılaýǵa umtyldy. О́ńirimizdiń rýhanı-mádenı nysandary men kórikti jerleri týraly túsirilgen fotolarmen tanysty.
О́mir ESQALI,
«Egemen Qazaqstan»
Soltústik Qazaqstan oblysy