«Sergek» kameralary 2 myńǵa jýyq ákimshilik quqyq buzýshylyqty ashýǵa múmkindik berdi. Aıyppuldyń jalpy somasy 14 mln teńgeni quraǵan, dep habarlaıdy Astana qalasy ákimdiginiń resmı saıty.
Búginde iKomek qalalyq jedel monıtorıng jáne den qoıý ortalyǵy, bas qaladaǵy ómir súrý deńgeıin jaqsartý maqsatynda, tek júıeli máselelerdi sheship qana qoımaı, sonymen qatar, qala turǵyndary men qonaqtarynyń qaýipsizdigin de qamtamasyz etýde. Mysaly, birinshi jarty jyldyqta ortalyqtyń operatorlary beıne tirkeýshi kameralar kómegimen 2 myńǵa taıaý ákimshilik quqyq buzýshylyqty anyqtaǵan.
Naqtyraq aıtar bolsaq, 1830 alkogoldi ishimdik ishý, qoǵamdyq oryndarǵa mas kúıinde kelý (QR ÁQBTK-niń 441-bap) jáne qoǵamdyq oryndarda temeki tartýdyń 111 oqıǵasy tirkelgen.