14 tamyzda Atyraýda Qurylysshylar kúnin merekeleýge arnalǵan saltanatty is-shara ótti. Sala qyzmetkerlerin kəsibı merekelerimen Atyraý oblysynyń əkimi Nurlan Noǵaev quttyqtady.
О́z sózinde óńir basshysy azamattardyń ómir súrý sapasy men mańyzdy memlekettik mindetterdi sheshý salanyń jumys nətıjelerine tikeleı baılanysty ekenine basa nazar aýdaryp, qurylysty respýblıkanyń ekonomıkalyq damýynyń lokomotıvteriniń biri dep atady. Ol búgingi kúni qurylys salasyn damytý úshin kóp múmkindikter jasalyp jatqanyna toqtaldy.
-Sizder el ekonomıkasyna orasan zor úles qosyp otyrsyzdar. О́tken kezeńderde qandaı tehnologııalar paıdalanylǵany qurylys salasynyń ardagerleriniń esinde. Qazir Memleket basshysynyń saıasatynyń arqasynda biz bul salaǵa jańa tehnologııalardy tartýdamyz, jańa materıaldardy paıdalanýdamyz, munyń barlyǵy salynyp jatqan əleýmettik obektiler men ınfraqurylymnyń sapasyn jaqsartýǵa yqpal etedi. Bul biregeı arhıtektýralyq qurylys salýǵa múmkindik beredi, -dedi Nurlan Noǵaev.
2018 jyly óńirde 3892 pəterlik 44 kóp qabatty turǵyn úıdiń qurylysy bastaldy, 34 úı osy jyly paıdalanýǵa beriledi. Oblys ortalyǵynda 39 úıdiń qurylysy júrgizilýde, qalǵandary aýdandarda. Bul turǵyn úı qurylysynyń rekordtyq kórsetkishi, óńirdegi təýelsizdik jyldaryndaǵy eń úlken turǵyn úı kólemi ekenin atap ótken jón. Munan basqa búgingi kúni oblysta 3214 oryndyq 16 balabaqsha salynýda, onyń 14 -in jyldyń sońyna deıin aıaqtaý josparlanýda. Oqý oryndarynyń qurylysy belsendi jalǵasýda. 2018 jyldyń sońyna deıin 1968 oryndyq 8 mekteptiń qurylysyn aıaqtaý josparlandy. Salynyp jatqan 6 mektep keler jyly paıdalanýǵa beriletin bolady. Densaýlyq saqtaý, mədenıet jəne sport obektileri de nazardan tys qalmaýda. Osy jyldyń sońyna deıin 8 densaýlyq saqtaý obektisin, 6 mədenıet úıin, sportty damytýǵa arnalǵan úsh obektini paıdalanýǵa berý josparlanýda.
2017 jyly Atyraý oblysynda 371 shaqyrym jol salyndy, bul 2016 jylǵy kórsetkishten eki ese joǵary. 2018 jyly 280 shaqyrym joldy asfalttaý josparlandy.
О́ńir basshysy úlken jumystyń bir bóligi ǵana ekenin atap ótti. Eldi mekenderdi abattandyrý bóliginde aýqymdy jumystar tur. Sonymen qatar jyl saıyn əleýmettik obektiler-aýrýhanalar, mektepter men balabaqshalar salýǵa jəne jóndeýge bólinetin bıýdjet qarajatynyń kólemi ulǵaıýda.
-Sizderdiń mindetterińiz jańa tehnologııalardy paıdalanyp, kəsibı deńgeıdi kóterip bəsekege qabiletti bolý. Qaýipsizdiktiń barlyq normalaryn saqtaı otyryp, sapaly obektiler salý qajet. Sizderdiń eńbekterińizben salynyp jatqandardyń barlyǵy qoǵamnyń əl-aýqatyna əserin tıgizedi. Biz óz tarapymyzdan respýblıkalyq, oblystyq bıýdjetterdiń qarjylandyrýyn, jer qoınaýyn paıdalanýshylardyń qarajattaryn paıdalanyp búgingi kúni turǵyndarǵa ómirlik qajet obektilerdiń qurylysyn salýǵa ótinimder beremiz. Barshańyzdy kəsibı merekelerińizben quttyqtaýǵa ruqsat etińizder. Sizderge jəne otbasylaryńyzǵa baq-bereke, ósip-órkendeý, tynyshtyq pen beıbitshilik tileımin,- dedi Nurlan Noǵaev.
Saltanatty jıynda qurylys jəne jol salasynyń úzdik qyzmetkerleri «Qurmetti qurylysshy», «Qurmetti səýletshi» tósbelgilerimen, Investısııa jəne damý mınıstrliginiń, oblys əkimdigi men məslıhatynyń alǵys hattarymen marapattaldy.