Belgisiz zatty detonasııalaý saldarynan jaraqat alǵan serjant M. Ahmetovtiń arqasynda 9 áskerı qyzmetker qutqaryldy, dep habarlaıdy Qorǵanys mınıstrligi.
«Serjant M. Ahmetov belgisiz zatty detonasııalaý saldarynan alǵan jaraqattaryna qaramastan, sheberligi men jyldam áreket etýiniń arqasynda KamAZ-dy ózdiginen basqaryp, lagerlik jıynnyń qolbasshylyǵyna oqıǵa týraly dereý habar jetkizdi. Dárigerler toǵyz áskerı qyzmetkerge ashyq alańda alǵashqy medısınalyq kómek kórsetti», delingen habarlamada.
Belgisiz zat 14 tamyzda «Qazaqstan» oqý-jattyǵý polıgonyndaǵy nysana alanyn ázirleý kezinde detonasııalandy. Qazirgi ýaqytta áskerı qyzmetkerlerdiń jaǵdaıy birqalypty, olarǵa bilikti mamandar medısınalyq kómek kórsetýde. Atalmysh derek boıynsha tergeý amaldary júrgizilip jatyr.