Búgin Úkimet úıinde Premer-Mınıstri Baqytjan Saǵyntaev elimizdiń densaýlyq saqtaý júıesin jetildirý máseleleri jóninde keńes ótkizdi.
Keńes barysynda Densaýlyq saqtaý mınıstrliginiń halyqqa kórsetiletin alǵashqy medısınalyq-sanıtarlyq kómek sapasyn arttyrý tásilderi qaraldy. Atap aıtqanda, usynylǵan sharalar emhanalardyń profılaktıkalyq jumystaryn jaqsartýǵa, ınfraqurylymdy damytýǵa, mamandardyń biliktiligin arttyrýǵa jáne halyqqa qyzmet kórsetý sapasyn jetildirýge baǵyttalǵan.
Budan ózge, jergilikti atqarýshy organdardyń medısınalyq kómek kórsetýge, sonyń ishinde lısenzııalaýdan keıingi baqylaý, densaýlyq saqtaý mekemelerin kadrmen qamtamasyz etý jáne jabdyqtaý jumystaryna jaýapkershilik mehanızmderin engizý máseleleri talqylandy.