Bıznes úshin GSP-nyń artyqshylyqtary kóp

Delegasııa quramynda ame­rı­kalyq basqa da ekonomıkalyq uıymdardyń ókilderi jáne AQSh-tyń Qazaqstandaǵy elshi­liginiń qyzmetkerleri boldy. Sharaǵa «Atameken» UKP, Qazaq­stannyń Syrtqy saýda palata­sy, Astananyń Kásipkerler pala­tasy birlesip muryndyq bol­ǵa­nyn aıta keteıik. Kezdesý ótki­zýdegi basty maqsat Qazaqstan bız­nesiniń ókilderine AQSh-taǵy Artyqshylyqtardyń bas júıesi (GSP) baǵdarlamasyn keńirek tanystyrýǵa baǵyttaldy. Atalǵan baǵdarlama elimizde ón­di­riletin 3500-den astam taýar túrin mu­hıt­tyń arǵy jaǵyndaǵy eldiń na­ryǵyna baj salyǵynsyz engi­zýge jol ashatynyn aıta keteıik. 

Kezdesý barysynda AQSh saýda ókiliniń saýda jáne ekonomıka saıasaty jónindegi kómekshisi Ed­vard Gresser eki memlekettiń ara­syn­daǵy saýda qatynastaryna qa­tysty birqatar derekti tilge tıek etti. Al elimizdiń Syrtqy saýda pala­ta­synyń basqarma tóraǵasy Aıan Erenovtiń aıtýynsha, bú­gin­gi tań­da AQSh-qa turaqty taýar eksport­taýmen 2 myńǵa jýyq qazaq­­stan­dyq óndirýshi aınalysady. Qa­zaq­­stannyń taýar aına­lymyn­da álem memleketteri ara­syn­da AQSh 6-oryndy ıelenedi. Qa­zaq­stan men AQSh arasyn­daǵy taýar aınalymy 2017 jy­ly 1 mlrd 645 mln AQSh dol­laryn qura­dy. Búgingi tańda GSP baǵ­dar­la­ma­syn tutynatyn elderdiń ishinde Qazaqstan taýar tasyma­ly­nyń kólemi boıynsha 12-oryn alatynyn aıta keteıik. 

Arnur ASQAR,

«Egemen Qazaqstan»