Astanadaǵy «Saryarka» velotreginde memlekettik qyzmetkerler arasynda sporttyq sharalar ótýde. Bul týraly Sport jáne dene shynyqtyrý isteri komıtetiniń baspasóz qyzmeti habarlady.
Sport kúnine arnalǵan sharada shaǵyn fýtbol, voleıbol, tennıs jáne shahmat boıynsha jarystar ótkizilýde.
Ár jyly tamyzdyń úshinshi jeksenbisi elimizde sport kúnine arnalǵan sharalar ótedi. Mereke Elbasy Nursultan Nazarbaevtyń 2003 jyldyń 15 qarashasyndaǵy jarlyǵyna sáıkes bekitilgen. Osy jyly Sport kúni 19 tamyzǵa túsip tur.
Bul mereke sportty damytýǵa, sportshylardyń jetistikterin madaqtaýǵa baǵyttalǵan. Elimiz boıynsha bul kúni túrli sporttyq sharalar uıymdastyrylady.