Indonezııa astanasy Jakartadaǵy Gelora Býng Karno stadıonynda XVIII Jazǵy Azııa oıyndarynyń resmı ashylý saltanaty ótti. Stadıonnyń syıymdylyǵy 78 000 adamǵa arnalǵan bolsa, Oıyndardyń ashylý saltanatyn osynshama adam tamashalady dese bolady.
Bıylǵy Azıada Indonezııada osymen ekinshi ret ótip jatqany belgili. 1962 jyly ótken tórtinshi Jazǵy Azııa oıyndarynyń ashylý saltanaty da dál osy stadıonda uıymdastyrylǵan-dy. Resmı ashylý saltanaty «Garrıs» atty Indonezııanyń ulttyq bıimen bastaldy. 1500 qyz bala bılegen bıde eldiń búkil ádet-ǵurpy, salt-dástúri jáne mádenıeti syıdyrylǵan. 150 bıshiniń kıimine 30 myń metr mata jumsalyp, ony 50 myńǵa jýyq tiginshi úsh aı tikken. Bıdi horeograf – Dennı Malık qoıǵan. Indonezııa baıraqty básekeniń ashylý saltanatyna 17 apta daıyndalǵan.
Osydan keıin jarysqa qatysatyn elderdiń sportshylary sap túzep, kezek-kezegimen stadıonnyń alańyn aınalyp júrip ótti. Bizdiń eldiń delegasııasy 15-shi bolyp shyqty. Al memlekettik týymyzdy bokstan álem chempıonatynyń kúmis júldegeri Amanqul Ábilhan ustap júrdi. Osydan tórt jyl buryn Ońtústik Koreıanyń Inchhon qalasynda ótken Azııadada bokstan Olımpııa oıyndary jəne əlem chempıonatynyń kúmis júldegeri Ədilbek Nııazymbetov alyp júrgen-di. Osylaısha, qatarynan eki Azııa oıyndarynda kók týymyzdy ustap shyǵý boksshylarymyzǵa buıyryp otyr.
Taǵy bir aıta keter jaıt, Ońtústik pen Soltústik Koreıa sportshylary Jazǵy Azııa oıyndarynyń tarıhynda tuńǵysh ret bir týdyń astynda shyqty.
Resmı sharanyń sońynda Indonezııa prezıdenti Djoko Vıdodo sóz sóılep, Jazǵy Azııa oıyndarynyń ashylǵanyn jarııalady. Sondaı-aq jarysqa qatysyp jatqan sańlaqtarǵa sáttilik tilep, barlyǵyna sońyna deıin kúresip, jeńiske jetýlerine tilektestigin bildirdi. Sonan soń ashylý saltanaty teatrlanǵan kórinispen jalǵasty.
Aıta keteıik, Jazǵy Azııa oıyndary 2-qyrkúıekke deıin jalǵasady. О́kinishke qaraı, Indonezııadaǵy sporttyq oqıǵany otandyq telearnalar tikeleı efırde kórsetpeıdi. Degenmen, Qazaqstandyq sportshylardyń nátıjesimen eń birinshi bolyp egemen.kz saıtynan bile alasyzdar.
Álı BITО́RE,
«Egemen Qazaqstan»
FOTO: Danııar Maılybaev, Qazaqstan UOK baspasóz qyzmeti