Bul jaıly Memlekettik qyzmet isteri jáne sybaılas jemqorlyqqa qarsy is-qımyl agenttigi Mańǵystaý oblysy boıynsha departamentinde ótken basqosýda aıtyldy.
Belgilengen quzyrettilik sheginde retteýshilik, iske asyrý jáne baqylaý fýnksııalaryn júzege asyratyn organ aımaqtaǵy memlekettik mekemelerdiń kadrlyq jaı-kúıine monıtorıng júrgizip, Aqtaý qalasy ákimi apparaty, Mańǵystaý aýdany ákimi apparaty, Qaraqııa aýdany ákimi apparaty, Mańǵystaý oblysynyń qarjy basqarmasy jáne Mańǵystaý oblysynyń Ishki Ister departamentinen birqatar kemshilikterdi anyqtaǵan. Aıtýlarynsha, kadr qyzmetteriniń jumysy jaýaptylyqty talap etkendigine qaramastan, kásibı tájirıbe, bilimi men daıarlyǵynyń tepe-teńdiginiń bolmaýynan osyndaı máseleler týyndap otyr.
Aldymen anyqtalǵany - aýmaqtyq departamentter Memlekettik Organdardyń Internet Portalyna (MOIP) ýaqytyly eseptelikti júkteý mindettelgeniniń óz deńgeıinde oryndalmaıtyny. Olardyń qatarynda ındýstrııalyq damý jáne ónerkásiptik qaýipsizdik komıtetiniń Mańǵystaý oblysy boıynsha departamenti, Mańǵystaý oblysynyń Ishki ister departamenti, tabıǵı monopolııalardy retteý jáne básekelestikti qorǵaý komıtetiniń Mańǵystaý oblysy boıynsha departamenti jáne oblystyq qoǵamdyq densaýlyqty saqtaý departamenti.
Memlekettik qyzmet isteri jáne sybaılas jemqorlyqqa qarsy is-qımyl agenttigi Mańǵystaý oblysy boıynsha Departament basshysy Nurgúl Jannazarova barlyq eseptik aqparattardyń dáıektiligin, sapalylyǵyn jáne merziminiń saqtalýyn qadaǵalaý qajettigin eske saldy. Ásirese personaldy basqarý qyzmetteri mamandarynyń óz mindetterine salǵyrt qaramaı, eseptiliktiń mańyzdylyǵyn túsinip, jaýapkershilikti sezinýge shaqyrdy.
- Aǵymdaǵy jyldyń III toqsanynan bastap statıstıkalyq esepti «E-qyzmet» aqparattyq júıesinde joldaý tapsyrylǵan. Alaıda ýaqytyly oryndalmaǵan jáne engizilmegen qujat aınalymdar, sonymen birge qate engizilgen qujattar osy eseptiliktiń kezinde anyqtalatyn. Budan basqa tekseris barysynda, memlekettik mekemelerdiń avtomattyq júıede qujat aınalymynyń kórsetkishi tómen bolyp shyqty. Sondaı-aq, 2018 jyldyń 1 tamyzy boıynsha taza aýysymdylyq – 27 (2%) adam bolsa, ótken jyldyń eseptik kezeńinde bul kórsetkish 59 (4,4%) adamdy quraǵan. О́tken jylmen salystyrmaly túrde taza aýysymdylyqtyń sany 2,2 esege azaıǵandyǵyn baıqaýǵa bolady. Agenttiktiń strategııalyq josparyna engizilgen kórsetkishter boıynsha osy jylǵa taza aýysymdylyq deńgeıi – 7,5% aspaýy qajet dep belgilengen bolatyn. Alaıda, aýdandar bólinisinde qyzmetten óz erkimen ketý derekteriniń kóptiginen alǵashqy oryndarda Aqtaý qalasy(4%), Jańaózen qalasy(4%) tursa, basqarmalar bólinisinde qyzmetten óz erkimen ketý derekteriniń kóptiginen alǵashqy úshtikti Jolaýshylar kóligi jáne avtomobıl joldary basqarmasy 33,3%, Energetıka jáne kommýnaldyq sharýashylyq basqarmasy 15%, Densaýlyq saqtaý basqarmasy 14,8% quraıdy, deıdi departament basshysy.
2018 jyldyń 1 qańtaryndaǵy jaǵdaıy boıynsha bos oryndar sany 159 birlikti qurady. Qazirgi tańda jalpy shtattyq birliktiń 93,3% (89,9%) qamtylǵan. Alaıda, oblys boıynsha ótken jylmen salystyrǵanda 2018 jylda testileýge qatysyp, memlekettik qyzmetke qyzyǵýshylyq bildirip jatyrǵan úmitkerlerdiń sanynyń 2,1 ese artqandyǵyna qaramastan, keıbir memlekettik mekemelerdiń bos oryndary tolyqtyryla almaı keledi.
Sondaı-aq, aǵymdaǵy jyldyń 6 aıynyń kórsetkishi boıynsha jeke jáne zańdy tulǵalardyń ótinishterin qaraý nátıjesinde 11 memlekettik qyzmetshi ártúrli dárejede tártiptik jaýapkershilikke tartylǵan. Al, 2017 jyldyń 12 aıynda bul kórsetkish 14 adamdy quraǵan. Sonda óńirimizde memlekettik qyzmetshilerdiń tarapynan jyldan jylǵa zań buzýshylyqqa jol berý deregi artýda ma degen suraq týyndaıdy? О́ńirdegi bir-jar basqarmalar men aýdan apparatynyń qyzmetkerleri «eskertý» alsa, memlekettik departament ókili «qatań sógis» arqalaǵan, al tártiptik jazaǵa tartylǵandar qatarynda Aqtaý qalasy ákimi apparaty 2 qyzmetshisi, ındýstrııalyq damý jáne ónerkásip qaýipsizdigi komıtetiniń oblystyq departamentiniń 3 qyzmetshisi bar.
QR Memlekettik qyzmet isteri jáne sybaılas jemqorlyqqa qarsy is-qımyl agenttigi Mańǵystaý oblysy boıynsha departamentine túsken aryzdarǵa saı negizsiz berilgen syıaqyny bıýdjetke qaıtarý týraly 2 usynys joldanyp, 174 745 teńge memleket bıýdjetine óndirilse, 2018 jyldyń 6 aıynda 6 qyzmetshi arnaıy qorǵa 10 zańsyz syılyq tapsyrǵan, bul kórsetkish ótken jyly 2 qyzmetshi tarapynan 3 syılyq tapsyrylǵan bolatyn. Qatań tyıym salynsa da, zańsyz syılyq alýdyń azaımaı, kerisinshe, salystyrmaly túrde kóbeıgeni alańdatady.
Mańǵystaý oblysyndaǵy memlekettik qyzmet kadrlary jaı-kúıiniń monıtorıngi áli de júrgiziledi. Bul rette personaldy basqarý qyzmetteriniń jaýapty mamandaryna bilimin jetildirip, biliktiligin arttyrýǵa keńes berilip, kadr máselesinde kemshilikterge jol bermes úshin, basqosýlarda pikir almasyp otyrý qajet ekendigi aıtyldy.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy