Ustanymy – ádilettiń aq joly

Ońtústikke birneshe kúndik jumys saparymen kelgen “Ádi­let” demokratııalyq partııasynyń serkesi Maqsut Nárikbaev al­ǵash­qy kúni oblystyq fı­lıaldyń shta­bynda jýrnalıstermen bas­pa­sóz máslıhatyn ótkizip, birtalaı ózek­ti máselelerge baıla­nys­ty óz baı­lamyn jetkizdi. Otanymyz úlken múm­kin­dik­ter­diń aldynda tur, bizdiń maqsa­ty­myz – kúrmeýli másele­ler­diń túıinin sheshýge quqyqtyq turǵy­dan kómektesip, ádil ba­ǵasyn berý. Kópshiliktiń sanasyna ádi­let­tilik degen uǵymdy sińirý. Osy­laı dep sóz saptaǵan partııa tór­aǵa­sy ashyq kúnde naızaǵaı oı­nat­qan Jańa­ózendegi oqıǵa­lar­ǵa baı­lanysty óz paıymdaýlaryn bildirdi. – Bizdiń maqsatymyz, – dedi Maq­sut Sultanuly, – elimizdiń saıası ómirine Májilis jáne más­lıhattar arqyly aralasý. Sol ar­qy­ly ádil zań ornyqtyrýǵa yq­pal etý. Basqosýda quqyqtyq máse­le­ler­ge kóbirek toqtalǵan partııa ser­kesi respýblıkalyq, oblys­tyq, tipti aýdandyq saılaý naý­qan­darynda jeńis toıyn toılaýǵa senimdi ekendigin jasyrǵan joq. “Ádilet” demokratııalyq par­tııa­sy Májiliske Ońtústikten tehnıka ǵylymdarynyń doktory, professor Qaırat Islamqulov pen oblystyq advokattar kolle­gııa­synyń tóraǵasy Talǵat Se­pa­rovty úkilep qospaq. Jıynda osy azamattarǵa partııa atynan mandat berildi. Erteńinde Maqsut Nárikbaev pen burynyraqta Prezıdenttikke baǵyn synap kórgen Musaǵalı Dýambekov bastaǵan ádilettikter Qazyǵurt aýdanynda bolyp, tús aýa Maqtaaral aýdanyna jol tart­ty. Buǵan deıin Saıram jáne Tóle bı aýdandarynda saılaý­shy­larmen kezdesý ótkizgen olardyń endigi baǵyty – Sozaq aýdany. Kezdesýdiń sońy Shymkentte jalǵaspaq.  Baqtııar TAIJAN. Ońtústik Qazaqstan oblysy.