Sabyr túbi – sary altyn

Dál el Táýelsizdiginiń 20 jyl­dyq mereıtoıy ótip jatqan tarıhı sátte mundaı sumdyq oqıǵa bola­dy dep kim oılaǵan? Jańa­ózendegi jaǵ­daıdy teledıdardan kórip, ja­ǵamdy ustadym. Buzaqy­lardyń istep júrgenderi múldem durys emes. Beıqam jatqan eldiń shyr­qyn buzyp, dúrliktirip jiberdi. Qa­shanda halyqtyń tynysh­ty­ǵyn, bereke-birligin tilep oty­ra­tyn biz sııaqty aǵa urpaq ókilderi mun­daı­ǵa jol bergen aǵaıyndarǵa ókpelimiz.

Menińshe, bul munaıshylardyń óz tarapynan jasaǵan áreketi emes, syrttan yqpal etip otyrǵan aran­datý­shy kúshterdiń jymysqy saıa­sa­ty dep bilemin. О́ıtkeni, bizdiń elimiz osy jıyrma jylda ósip, órken­dep, basqa memleketter qyzyǵa da qyzǵa­na qaraı­tyn­daı qaryshtap damyp ketti. El ishindegi aırandaı uıyǵan tatý­lyq pen tu­raq­­ty­lyq­tyń nátı­­je­sin­de Qazaq eli ózi­niń ishki-syrt­qy saıa­satyn saýat­ty júr­­gi­zip, barlyq jaǵynan aldyńǵy qatarǵa shyqty. Mi­ne, osy jetistigimizdi kóre almaı­tyn­dar, ishtar­lyq etýshi jat pıǵyl­dy kúshter Jańaózendegi oqıǵaǵa tikeleı áser etip, buzaqylardyń qoly­men ot kósegisi keldi. Biraq biz buǵan al­danyp, arandap qalmaýymyz kerek. Eldegi tentekterdi tezge sa­lyp, tıisti jazasyn berýge tıispiz. Al aram oı­laryn júzege asyrmaq bol­­ǵan syrt­qy kúshterge memleket ta­rapynan myqty tosqaýyl qoıyl­sa, jaqsy bolar edi. Mundaı qıyn-qys­taý shaqta óz ishimizde alaýyz­dyq ta­nytpaı, alypqashpa sózge e­rip dúr­likpeı, bir shańyraq­tyń as­tyna top­ta­syp, Qa­zaq­standy aran­datý­shy toptardan arashalap qalýǵa tyrysaıyq.

Shyǵys Qazaqstan oblysyndaǵy ardagerler jáne aqsaqaldar keńesi­niń músheleri mańǵystaýlyq munaı­shy­lardy osyndaı syn sátte sabyr­ly­lyq saqtap, táýelsizdiktiń tátti jemisin tata berýge shaqyrady. El tynyshtyǵyn oılap, bolashaqta Qa­zaq­stannyń qaryshtap alǵa basa berýine úles qosaıyq, aǵaıyndar. Men ózim 40 jyl boıy О́skemen qorǵa­syn-myrysh kombınatynda qarapa­ıym metallýrg bolyp eńbek ettim. Qajyrly eńbegim laıyqty baǵala­nyp «Eńbek Dańqy» ordeniniń tolyq ıegeri atandym. Bul «Eńbek Eri» degen ataqqa para-par. Demek, el ıgiligi úshin adal eńbek etkenge ne jetsin!

Qaıyrbek AIJIGITOV, ardager metallýrg, «Eńbek Dańqy» ordeniniń tolyq ıegeri.

О́SKEMEN.