Qazaqstan Prezıdentine buǵan deıingi berilgen tapsyrmalardyń oryndalý barysy jáne elorda qurylysynyń perspektıvalyq jospary jóninde baıandaldy, dep habarlaıdy Aqordanyń baspasóz qyzmeti.
Keńeske Prezıdent Ákimshiliginiń Basshysy Á.Jaqsybekov, Astana qalasynyń ákimi Á.Isekeshev, Astana qalasy ákiminiń birinshi orynbasary S.Horoshýn jáne Astana qalasynyń sáýlet, qala qurylysy jáne jer qatynastary basqarmasynyń basshysy B.Taıtalıev qatysty.
Elbasy qala qurylysyn júrgizý barysynda qazirgi ınfraqurylym men kommýnıkasııalardyń múmkindikterin eskerý mańyzdy ekenin aıtty.
Áset Isekeshev Nursultan Nazarbaevqa elorda qurylysynyń besjyldyq jospary men jańa nysandar salý perspektıvalary jóninde málimdedi.
– Jospar aıasynda 5 qurylys aımaǵy qarastyrylǵan. 2023 jylǵa deıin 9,5 mıllıon sharshy metr turǵyn úı salynyp, 500 myń adamǵa arnalǵan 156 myń páter beriledi. 2027 jylǵa deıin 800 myń adamǵa arnalǵan 16 mıllıon sharshy metr turǵyn úı salynady. Osylaısha, Sizdiń tapsyrmańyzǵa sáıkes, qalamyzda 2 mıllıon adamnyń turýyna jaǵdaı jasalatyn bolady, – dedi Astana qalasynyń ákimi.
Keńes qorytyndysy boıynsha Qazaqstan Prezıdenti Astana qalasyn odan ári damytý jóninde birqatar naqty tapsyrma berdi.