О́mir bolǵan soń súıinishi de, kúıinishi de bolary talassyz zańdylyq.Táýelsizdik jyldarynda qıyndyqtar az kezdespegendigi belgili. Alaıda solardyń bárinen de Jańaózendegi oqıǵa janymyzǵa asa batyp, qatty qamyqtyrǵanyn ashyp aıtpasqa bolmaıdy. Búkil halqymyzǵa ortaq mereıli mereke shyrqyn buzyp, shekten shyqqan tártipsizdikke ulasqan áreket júregimizge ınedeı qadalǵanyn qalaısha búgersiń. Qylaýymyzǵa qyl túspegen birlik pen tatýlyqqa aýyr jara salǵan basbuzarlyq kóńilimizdi syzdatty. О́ndiris ornymen aradaǵy eńbek daý-sharyna úsh qaınasa sorpasy qosylmaıtyn mundaı óreskel qylyqtyń aıaq astynan oryn alýy qınady bárimizdi.
Jasyratyny joq, bizdiń aımaqta da jumys berýshiler men jumys isteýshiler arasynda eńbekaqyǵa baılanysty daýly máseleler joq emes. Máselen, temirtaýlyq metallýrgter «Arselor Mıttal Temirtaý» kompanııasy tarapynan ony kóterý jóninde talaptar qoıyp otyrǵanyn, ol kombınattaǵy kásipodaq uıymy arqyly kásiporyn basshylyǵyna málim etilip, kelissózder júrgizilip jatqanyn bilemiz. Ekijaqty túsinistik áńgime taıaý arada eńbekkerler múddesine saı sheshim tabýǵa tıis. «Keńeste keńdik kóp» degendeı, dóńgelek ústel basyndaǵy baıypty keńes osyndaı nátıjege áser etpek. Aıta ketý kerek, joǵaryda atalǵan oqıǵaǵa oraı qabyldanǵan metallýrgter málimdesinde eńbek kıkiljińiniń tek kelissózder arqyly sheshilýi kerektigi ataldy. Men jetekshilik etetin sharýashylyqta eńbek etýshilerdiń de ókpe-renishteri bolmaı turmaıdy. Úlkenimiz bolsyn, kishimiz bolsyn syılastyqqa syna qaqpaýǵa sabyr saqtap, keńinen aqyldasyp, zannyń sheńberinde mámilege kelýge toqtalamyz.
Oryn alǵan oqıǵa qoǵamymyzǵa, halqymyzdyń tabıǵatyna jat áreket barshamyzdy oılandyrarlyq jaıt. Tynyshtyq, birlik, túsinistik berekemizdiń kepili, damýymyzdyń negizi ekenin ásirese, áli aqyl toqtata qoımaǵan jastar júregine berik tutqany lázim. О́zgeler qyzyǵar, qyzǵanar búgingi turmysymyzdyń qadirin qasterleı bileıik.
Qanat OTARBAEV, «Otqanjar» JShS jetekshisi.
Qaraǵandy oblysy, Nura aýdany.