2018 jylǵy 20 tamyzda Qazaqstannyń Elshisi Aıgúl Quspannyń belgııalyq Vallonııa aımaǵynyń – Mınıstr-prezıdenti Vıllı Borsýmen kezdesýi ótti.
Taraptar ekijaqty saıası, ekonomıkalyq jáne mádenı-gýmanıtarlyq yntymaqtastyqtyń máselelerin talqylap, naqty sharalar boıynsha pikir almasty.
Elshi Qazaqstan men Belgııanyń, onyń ishinde Vallonııamen nyǵaıyp kele jatqan ekonomıkalyq qarym-qatynastardy atap ótti. Bul mánmátinde, Vallonııa Eksport jáne ınvestısııa jónindegi agenttiginiń (AWEX) Qazaqstanǵa uıymdastyryp turatyn bıznes-mıssııalary úshin alǵys aıtty. Sonymen qatar, A. Quspan ekonomıkalyq qarym-qatynastardy odan ári damytý maqsatynda, aımaqtyń tehnologııalyq klasterlerimen, ǵylymı ortalyqtarymen, ınvestısııalyq qorlarymen baılanysty jandandyrýǵa nıetti ekendigin jetkizdi.
A. Quspan «Astana» Halyqaralyq qarjy ortalyǵy, Halyqaralyq jasyl tehnologııalar men ınvestısııalyq jobalar ortalyǵy týraly aqparat berip, Vallonııa kompanııalaryn olardyń jumysyna qatysýǵa shaqyrdy.
О́z kezeginde, V. Borsý aımaqtyq úkimet óz jumysynda negizgi basymdyqty ekonomıkalyq jáne ınvestısııalyq qarym-qatynastardy ulǵaıtýǵa aýdaratynyn aıtyp, Qazaqstanmen farmasevtıka, aýyl sharýashylyǵy jáne energetıka salalaryndaǵy yntymaqtastyq úlken áleýetke ıe ekendigine nazar aýdardy. Mınıstr-prezıdent qazaqstandyq taraptyń ekonomıkalyq yntymaqtastyqty arttyrý usynysyn quptaıtynyn málimdedi.
Kezdesý barysynda mádenıet, sport jáne ǵylym salasyndaǵy, sondaı-aq qalalar arasyndaǵy baılanystardy jandandyrý mańyzdylyǵy atalyp ótildi. V. Borsý birlesken mádenı sharalar uıymdastyrý múmkindigin qoldaıtynyn málimdedi.
Belgııanyń federatıvtik qurylymyna sáıkes, Vallonııa aımaǵy – Flandrııa jáne Brıýsselmen qatar eldiń sýbekti bolyp tabylady. Aımaqtar ekonomıka, ınvestısııadan bastap áleýmettik qamtamasyz etýge deıingi máselelerde derbes saıasat júrgizýge ókiletti.