О́ńirde ótken pedagogtardyń dástúrli tamyz keńesinde kóptegen máseleler talqylandy.
Oblys ákimi Petropavlda sońǵy mektep osydan 11 jyl buryn salynǵanyn eske saldy. Qazir oblys ortalyǵynda 1500 orynǵa shaqtalǵan 2 mekteptiń qurylysy bastaldy. О́ńirde taǵy 900 oryndyq mektep salý kózdelgen. Qyzyljar aýdanynyń ortalyǵy Beskól kentinde bilim ordasyn salý josparlanǵan. Munyń bári–memlekettik tildegi bilim úıleri. 120 mektep jóndelip, 4 myń kompıýter jańartylmaq.
Q. Aqsaqalovtyń aıtýynsha sońǵy 5 jylda mektepterdi jóndeýge jylyna 300 mıllıon teńgeden bólinip kelgen. Bul qarjyǵa bilim oshaqtarynyń tek 10 paıyzy ǵana qalpyna keltirilgen. Kelesi jyly bul maqsat úshin qarjy 10 ese kóp bólinetin bolady. 2019 jyly 5 mıllıard teńgege 120 mektep jóndeledi. Jyl saıyn 300-400 kompıýter jańartylsa, kelesi jyly 4 myńy satyp alynady.
Mektepterdi keń jolaqty ınternetpen qamtamasyz etý 86 paıyzdy quraıdy. Oblys ákimi aýdan ákimderine bul kórsetkishti jyl sońyna deıin 100 paıyzǵa jetkizýdi tapsyrdy.
Oblysta «ýaqytsha otbasy» atty tyń joba júzege asa bastady. Oǵan sáıkes turǵyndary az aýyldardyń balalary iri eldi mekenderde turatyn otbasylardyń shańyraǵynda turyp, mektepte bilim alady.
Keńes sońynda marapattaý rásimi ótti. «Úzdik orta bilim berý uıymy» ataǵyna Ǵ.Músirepov aýdanynyń Toqsan bı orta mektebi ıe boldy. Mektep ujymyna óńir basshysy 22 mıllıon teńgeniń sertıfıkatyn tabys etti.
О́mir ESQALI,
«Egemen Qazaqstan»
Soltústik Qazaqstan oblysy