Naqty tapsyrmalar berdi

Keńes jumysyna Premer-Mınıstr Kárim Másimov, Parlament Senatynyń Tóraǵasy Qaı­rat Mámı, Prezıdent Ákimshi­li­giniń Basshysy Aslan Mýsın jáne ózge de memlekettik organ­dar­dyń basshylary qatysty. Prezıdent óz sózinde Memleket basshysynyń tapsyrmasy boı­ynsha qurylǵan, Premer-Mınıstrdiń birinshi orynbasary О́mirzaq Shókeev basqaratyn Úki­mettik arnaıy komıssııa Mań­ǵys­taý oblysynda bolyp, turǵyn­dar­men kezdesýler ótkizip, jergilikti jerdegi jaǵdaıdy jan-jaq­ty zerttegenin atap ótti. Úkimet tarapynan Jańaózendegi tártip­siz­diktiń saldaryn joıý jáne qa­lany qalpyna keltirý jónindegi arnaıy is-sharalar jospary bekitildi. Osy maqsat úshin Úkimet tarapynan 3 mlrd. teńgeden astam somada qarajat bólindi.

Memleket basshysy qazirgi ýa­qytta qaladaǵy jaǵdaı turaq­tan­ǵanyn atap kórsetti. Basqarý or­gan­dary qalypty rejimde jumys isteýde. Prezıdent Ákimshiliginiń Bas­shy­sy A.Mýsın Memleket bas­shy­syn aǵymdaǵy jyldyń 17 jel­toq­sa­nynda ótken Qaýipsizdik Ke­ńe­si­niń otyrysynda berilgen tap­syr­malardyń oryndalýyn uı­ym­das­tyrý barysy týraly habardar etti. Premer-Mınıstrdiń birinshi orynbasary О́.Shókeev Prezıdentke arnaıy komıssııanyń Mań­ǵystaý oblysynyń Jańaózen qalasyndaǵy jappaı tártip­siz­dikke baılanysty týyndaǵan áleý­mettik-ekonomıkalyq, gýma­nı­tarlyq jáne ózge problema­lar­dy jedel sheshý jónindegi ju­mysy týraly baıandady.

Bas Prokýror Ashat Daýylbaev Memleket basshysyna Mańǵystaý oblysynyń Jańaózen qalasyndaǵy jappaı tártip­siz­dikti uıymdastyrǵan kinálilerdi anyqtaý jónindegi tekserý ba­rysy týraly baıandady. Keńestiń qorytyndysy boı­yn­sha Memleket basshysy Nur­sul­tan Nazarbaev birqatar naqty tapsyrmalar berdi.