Ulttyq mýzeıde «Shyǵys kúntizbesi» atty Taıvan sýretshileriniń grafıkalyq jumystarynyń kórmesi ashyldy.
Taıvan sýretshileriniń grafıkalyq jumystary buǵan deıin Reseıdiń murajaılary arqyly 2017 jyldyń sońynda Novosibirde, Irkýtsk kórkemsýret murajaıynda, sodan keıin Tom kórkemsýret murajaıynda kórmege usynylǵan. Bul kórmege 12 sımvoldan turatyn Taıvan sýretshileriniń 83 grafıkalyq jumystary usynylyp otyr.
Taıvan Ulttyq beıneleý óneri murajaıynda jyl saıyn jyl basy beınelengen sýretter arasynda baıqaý uıymdastyrylady. Shyǵys kúntizbesinde 12 tańba bar: egeýquıryq, buqa, jolbarys, qoıan, aıdahar, jylan, jylqy, eshki, maımyl, taýyq, ıt, shoshqa. 12 jyldyq balamaly janýarlar belgileri men 5 túrli tústi element (jer, metall, sý, aǵash, órt) alpys jyldyq sıkldy quraıdy. Sońǵy sıkl 1960 jylǵy 28 qańtarda bastalǵan.
Bul baıqaý 30 jyldan beri ótkizilip keledi. Atalǵan baıqaýǵa ksılografııa, lıtografııa, shelkografııa grafıkalaryn basyp shyǵarý úshin baspa grafıkasynyń ártúrli ádistemeleri boıynsha jumys isteıtin sheberler shaqyrylady. Jumys zamanaýı sıfrly tehnologııalardy qoldaný arqyly júzege asyrylady. Baıqaýǵa qatysýshylardyń jasyna eshqandaı shekteýler qoıylmaıdy.
Sońǵy 33-shi konkýrs 2018 – ıt jylyna arnaldy. It jyly Shyǵys kúntizbesinde eń qolaıly jyl bolyp sanalady. Al 2019 jyly 60 jyldyq sıkl shoshqa belgisimen qorytyndylanady. «Shyǵys kúntizbesi» kórmesi aıaqtalǵanda birneshe Taıvan sýretshileriniń týyndylary Ulttyq mýzeıdiń qoryna tabystalmaq.
Baǵashar TURSYNBAIULY, «Egemen Qazaqstan»