Oblys ákimi óńirdegi «Sıfrlyq Qazaqstan» memlekettik baǵdarlamasynyń júzege asyrylýy boıynsha jıyn ótkizdi, lep habarlaıdy Aqtóbe oblysy ákiminiń baspasóz qyzmeti .
О́ńirde sıfrlandyrý aıasynda áleýmettik ınfraqurylymdy ınternetpen qamtý jáne kompıýterlendirý boıynsha aýqymdy jumystar jalǵasýda. Bilim berý men densaýlyq saqtaý salalaryna erekshe kóńil bólinedi. Búgingi tańda qabyldanǵan sharalardyń arqasynda oblystyń barlyq 398 jalpy bilim beretin mektepteri Internet jelisine qol jetkize aldy, - dep málimdedi aqparattandyrý jáne syrtqy baılanys basqarmasynyń basshysy Ermek Kenjehanuly.
«Qazaqtelekom» AQ-men jasalǵan kelisimniń arqasynda» oblystyń 242 mektebinde ınternet jyldamdyǵy 4 Mbıt-ke deıin jáne odan da joǵary tegin kóterildi. Únemdelgen qarajat spýtnıktik baılanys arqyly qashyqtaǵy 92 mektepti qosymsha qosý úshin qaıta baǵyttalady. Osylaısha, jyl aıaǵyna deıin bizdiń oblystyń barlyq mektepterine joǵary jyldamdyqty ınternet usynylatyn bolady, - dedi E.Kenjehanuly.
Bıylǵy jyly mektepter úshin 1700 kompıýter men mýltımedııalyq jabdyq satyp alýǵa 588 mln. teńge bólindi. Taǵy 48 mıllıon teńge qyzmet kórsetý ádisimen kompıýterlerdi satyp alýǵa jumsalady. Úsh jyldyq qyzmet kórsetý merzimi bar 5 myń kompıýter satyp alý josparlanyp otyr.
Internetke keń jolaqty qatynaýdy jáne jabdyqty satyp alýdy qamtamasyz etýmen qatar aqparattyq júıelerdi engizý boıynsha jumys jalǵasýda, onyń artyqshylyǵyn aqtóbelikter baǵalap ta úlgerdi. Mysaly, Bilim basqarmasynyń málimetine sáıkes, «Kúndelik» IJ engizý arqyly mektepte sabaqqa qatyspaý 2 ese qysqartyldy. Búgingi tańda oblystaǵy mektepterdiń 91,5% júıede jumys isteıdi. Onyń qyzmetterin 17 myńnan astam muǵalim, 131 myń mektep oqýshysy jáne 99 myńǵa jýyq ata-analar paıdalanady.
Densaýlyq saqtaý salasyna keletin bolsaq, búginde oblystyń aýdandary men oblys ortalyqtarynda ornalasqan barlyq emdeý mekemeleri Internetke qoljetimdilikti 100% qamtamasyz etildi. Nebári 500 adamǵa qyzmet kórsetetin 138 aýyldyq medısınalyq mekemede búkilálemdik jelige qol jetimdilik joq.
«Jalpy, ótken aıda talpynys bar, jumys júrip jatyr. Biraq ortasha respýblıkalyq kórsetkishtermen salystyrǵanda, keıbir pýnkttarda artta qalý bar. Máselen, memlekettik qyzmetterdiń tek 19% elektrondy túrde usynylǵan. Bul óte az. Osyndaı jaǵdaı, ótinishterdi avtomattandyrylǵan qabyldaý júıesimen jáne bala baqshaǵa kezekke qoıýmen baılanysty. Densaýlyq saqtaý salasynda dárigerge kóriný úshin elektrondy tapsyrys boıynsha suraqtar bar. Jalpy, dárigerler áli de qaǵazdy toltyrýǵa kóp ýaqytyn jumsaıdy. Sıfrlandyrýdyń máni jumystyń jeńildetilýine jáne qyzmetterdi alýdy jeńildetýde», - dep oblys ákimi birqatar kemshilikterdi atap ótti.
Ol sondaı-aq, aýyl sharýashylyǵy jáne turǵyn úı-kommýnaldyq sharýashylyq salalarynda sıfrlandyrýdy qurý jónindegi jumysty kúsheıtýdi tapsyrdy. Eń bastysy, ortalyqtandyrylǵan derekterdi jınaý úshin barlyq engizilgen jáne qoldanystaǵy aqparattyq júıelerdi biriktirý.
О́sip kele jatqan sıfrlandyrý aıasynda oblys halyqtyń sıfrlyq saýattylyǵyn arttyrýǵa kóp kóńil bóledi. Osy maqsatta aǵymdaǵy jyldyń maýsym aıynda oblystyń, sonyń ishinde shalǵaı eldi mekenderdiń turǵyndaryn oqytatyn 220-den astam jattyqtyrýshy daıyndaldy. Búgingi kúni 24 myńnan astam adam qazirgi zamanǵy aqparattyq júıelermen jáne tehnologııalarmen jumys jasaýda negizgi bazalyq bilimderin aldy. Eresekterdi oqytýǵa basymdyq beriledi.