Almaty qalasy О́ńirlik kommýnıkasııalar qyzmetinde ótken brıfıngte Almaty qalasy týrızm jáne syrtqy baılanystar basqarmasynyń basshysy Maqsat Qıqymov osy derekterdi málim etti.
Búginde týrızm salasy ekonomıkanyń qozǵaýshy kúshi retinde halyqty jumyspen qamtamasyz etýdiń basty kózderiniń biri bolyp tabylady.
Osyǵan oraı Týrızmdi damytýdyń 2023 jylǵa deıingi memlekettik baǵdarlamasynyń jobasy ázirlenip, týrızm salasy mamandarynyń qyzý talqysyna túsken. Jobany 2019 jyldyń 1 qańtarynda bekitý josparlanyp otyr.
Búginde týrızm ındýstrııasynyń jıyntyǵy álemdik JIО́-niń 10 paıyzyn quraıtyn bolsa, daǵdarysty keziniń ózinde týrızm jyl saıyn 4-5 paıyzǵa ósip otyrady. Búginde Qazaqstanǵa keletin týrısterdiń (ishki týrızmdi qosa alǵanda) 40 paıyzyn Almatyǵa kelýshiler quraıdy.
О́tken jyly Almaty áýejaıy arqyly 508 myń týrıst ótse, aǵymdaǵy jyldyń qańtar-shilde aılarynda bul kórsetkish 286 myń týrısti qurap, ótken jylmen salystyrǵanda 20 paıyzǵa ósip otyr. Eýropa pen Azııadan keletin týrısterdiń 60 paıyzyn Almatynyń erekshe tabıǵaty qyzyqtyratyn kórinedi. Al týrısterdiń qalǵan bóligi ásem qalaǵa kóńil kóterý úshin keledi eken.
Búginde Almaty ekonomıkasynyń 87 paıyzy qyzmet kórsetýdiń úlesine tıesili desek, qalada týrıstik bıznes júrgizýge qolaıly jaǵdaılar qarastyrylǵan. Almatyda 150-den astam týrızm nysandary, 15,5 myń oryndyq 180-nen astam qonaq úıler men hostelder, 1300 týrıstik uıym, 2000-nan astam joǵary deńgeıli servıs usynatyn kafe-meıramhanalar jumys isteıdi. Bul kórsetkish jyl sanap ósip keledi. Bıylǵy jyly álemdik deńgeıdegi 2 qonaq úı, 50 shaqty kafe menmeıramhana ashý josparlanyp otyr. Aǵymdaǵy jyly 2020 jylǵa deıin «Týrızmdi damytýdyń 100 qadamy» keshendi qalalyq jospary baǵyttary bekitilgen.
Elvıra Serikqyzy,
«Egemen Qazaqstan»
ALMATY