Astananyń 20 jyldyǵyna arnalǵan «Týǵan el» telebaǵdarlamasyna qatysqan senator onda Elorda men tutastaı respýblıkanyń damýy týraly áńgimeledi. Sonymen qatar, D.Nóketaeva «100 naqty qadam» Ult josparyn júzege asyrý sheńberindegi Parlamentiniń zań shyǵarýshylyq qyzmetine de toqtalyp, qabyldanǵan zańdardyń mán-mańyzyna jan-jaqty túsinikteme berdi.
Sondaı-aq, senator Almaty qalalyq «Teri-venerologııalyq emhanasynda» bolyp, ujymymen kezdesti. Júzdesý barysynda senatorǵa emhananyń klınıka-zerthanalyq, uıymdastyrý-ádistemelik kórsetkishteri tanystyrylyp, 2018 jyldyń 7 aıyndaǵy atalǵan mekemeniń qarjylyq qyzmeti týraly málimet berildi.
Senator sondaı-aq emhana bólmelerin aralap kórip, naýqastarmen áńgimelesip, jaǵdaılaryn surady. Emhananyń materıaldyq-tehnıkalyq jaı-kúıin qarap shyqqan senatorǵa medısınalyq jabdyqtardyń teri-venerologııa jáne teri-kosmetologııa, estetıkalyq medısına salasyndaǵy qoldanylý erekshelikterimen tanystyrdy.
Senator emhana jumysyn odan ári damytýdyń keleshegi týraly aıta kelip, medısınalyq týrızmdi damytý, medısınalyq qyzmet kórsetýdi ártaraptandyrý, sheteldik mamandandyrylǵan jáne onymen baılanysty densaýlyq saqtaý uıymdarymen yntymaqtastyqty nyǵaıtý boıynsha usynystaryn aıtty.