QazaqGeography 2018 jylǵy 1 tamyzda bastalyp, 30 qyrkúıekke deıin jalǵasatyn «Meniń Qazaqstanym» fotobaıqaýyn jarııalaıdy.
Baıqaýdyń mindeti — tabıǵat, qalalar, adamdar, Astana – tórt taqyryptyq sanatyndaǵy eń qyzyqty, shyǵarmashyl jáne ádemi fotosýretterdi tabý. Qazylar alqasynyń quramynda QazaqGeography basshylyǵy Qanat Baıǵarın jáne Jana Rústem, jobalar menedjeri Nurjan Alǵashov, sondaı-aq, PrimeMinister.kz bas redaktory Aleksandr Belılovskıı jáne kásibı fotograftar Deonısıı Mıt, Maksım Zolotýhın bar.
Árbir taqyryptyq sanattyń jeńimpazdary syılyq sertıfıkattaryna jáne basqa da júldelerge ıe bolady, al qazylar alqasy iriktegen úzdik fotosýretter QazaqGeography fotokórmesinde usynylady. Astana sýretteri, sondaı-aq, elorda tarıhy jónindegi qyzyqty grafıkalyq, mátindik, kartografııalyq aqparatty qamtıtyn «Astana: tarıh kezeńderi» ınteraktıvti jobasynda jarııalanatyn bolady.
Fotobaıqaýǵa qatysý úshin QazaqGeography múshesi bolý qajet. Múshelik Qoǵamnyń is-sharalaryna jáne ekspedısııalaryna qatysýǵa múmkindik beredi. QazaqGeographyqoǵamyna kirý jáne qatysý sharttary týraly tolyǵyraq saıttan bilýge bolady.