«Áleýmettik medısınalyq saqtandyrý qory» KE AQ-nyń tóraǵasy Elena Bahmýtova ózge qyzmetke aýysýyna baılanysty basshylyqtan ketti, dep habarlaıdy qordyń baspasóz qyzmeti.
«Qordyń halyqqa medısınalyq qyzmet kórsetýdegi strategııalyq satyp alýshy bolyp qalyptasý kezeńi sátti aıaqtaldy. Halyqqa kórsetiletin qyzmetterdiń kólemin jáne sapasyn baqylaý, MÁMS úshin túsimderdi jınaý men basqarý prosesi jasaldy, qor qyzmetin retteıtin qujattardyń negizgi bazasy quryldy. Qorda kásibı top quryldy, ol MÁMS paketi sheńberinde medısınalyq qyzmet kórsetý prosesin bastaǵansha barlyq rásimderdi jaqsartý jumystaryn jalǵastyrady», - dep óz jumysyn túıindedi Elena Bahmýtova.
Elena Bahmýtova Qazaqstan qarjygerler qaýymdastyǵy músheleriniń jalpy jınalysynyń sheshimimen osy uıym keńesiniń tóraǵasy bolyp saılandy. Qazaqstan qarjygerler qaýymdastyǵynyń jańa keńesin qaýymdastyqtyń joǵary ýákiletti organy 2018 jyldyń 24 tamyzynda ótken jınalysta qabyldady.
Sonymen birge, QR Densaýlyq saqtaý mınıstriniń buıryǵymen Qor basshysynyń mindetin atqarýshy bolyp Áleýmettik medısınalyq saqtandyrý qory tóraǵasynyń orynbasary Botagoz Jaqsylyqova taǵaıyndaldy. Buıryq Áleýmettik medısınalyq saqtandyrý qorynyń jalǵyz aksıoneriniń sheshimi bolyp tabylady jáne 2018 jyldyń 24 tamyzynda qol qoıylǵan sátten bastap kúshine endi.