«Qazaqstan temir joly» UK» AQ basqarma tóraǵasynyń damý jónindegi orynbasary Maqsat Qabashevtiń Sychýan provınsııalyq QKP partııa komıtetiniń turaqty komıtetiniń múshesi, Chendý qalasy QKP qalalyq komıtetiniń hatshysy Fan Jýıpınmen kezdesýi barysynda temir jol kóligi salasyndaǵy yntymaqtastyqty damytý máseleleri sóz boldy.
Qazaqstan aýmaǵy arqyly ótetin QHR-EO-QHR baǵyty boıynsha konteınerlik tasymal kóleminde oń dınamıka bar ekeni atap aıtyldy.
2018 jyldyń 7 aıynda Alashankoý – Dostyq jáne Qorǵas – Altynkól shekara ótkelderi arqyly júk tasymalynyń kólemi 7 723 myń tonnany qurady, bul 2017 jyldyń sáıkes kezeńine qaraǵanda 1 964 myń tonnaǵa (nemese 34%-ǵa) artyq.
M.Qabashev Qazaqstannyń kóliktik-logıstıkalyq múmkindikteri, transulttyq baǵdarlardy damytý, tranzıttik júk aǵynyn ulǵaıtý boıynsha sharalar týraly málimetter berdi.
«Qazaqstannyń «Nurly jol» baǵdarlamasy men Qytaıdyń «Bir beldeý-bir jol» bastamasynyń eki el arasyndaǵy tranzıttik-kóliktik yntymaqtastyqty damytý salasynda jarqyn bolashaqqa bastaıtyn maqsattary ortaq»,- dedi M. Qabashev.
Yntymaqtastyqtyń tabysty faktorlarynyń biri – alıans pen ınfraqurylym boıynsha seriktesterdiń úılesimdi jumysy. Búgingi tańda «QTJ» UK» AQ Qytaıdyń 17 provınsııasynda jumys isteıdi. Aldaǵy ýaqytta Qytaı provınsııalarymen qatysý geografııasyn keńeıtý josparlanýda.
F. Jýıpınniń aıtýynsha, Qazaqstan men Qytaı kóliktik-logıstıkalyq ınfraqurylymdy qarqyndy damytýda. Shekaralyq stansııalardyń qýaty arttyrylyp, logıstıkalyq tizbek qurylýda. Ol Sychýan provınsııasynyń kóliktik múmkindikteri týraly baıandap, atalǵan salada yntymaqtastyqty damytýdy qoldaıtyndyǵyn bildirdi.
Kezdesýde sonymen qatar Chendý qalasynda «QTJ» UK» AQ -nyń ókildigin/birlesken kásiporyn qurý jaıy da aıtyldy.