Baıǵanın aýdanynyń qurylǵanyna 90 jyldyǵyn merekeleý aıasynda, Qaraýylkeldi aýylynda Balalar shyǵarmashylyq akademııasy ashyldy.
Saltanatty sharaǵa oblys ákimi Berdibek Saparbaev qatysty.
- Memleket basshysynyń qoldaýynyń arqasynda bizdiń elimizde jastardyń laıyqty bilim alýyna basqa da damyǵan elderden kelgen qatarlastarynan mádenıet, bilim jáne densaýlyq deńgeıinen artta qalmaýy úshin barlyq jaǵdaı jasalyp jatyr. «Bolashaq» baǵdarlamasy, jańa mektepter, sporttyq ǵımarattar jáne mádenı nysandar – bunyń barlyǵy bizdiń balalar úshin. Prezıdenttiń «Rýhanı jańǵyrý» baǵdarlamasynyń aıasynda bıylǵy jyl aımaqta Bala jyly dep jarııalanyp, is-sharalardy júzege asyrýǵa bıýdjetten 4 mlrd astam teńge bólindi. Budan basqa, balalardy damytýǵa jáne olarǵa kómektesýge baǵyttalǵan túrli jobalardy júzege asyrýǵa demeýshiler - jergilikti kásiporyndar men uıymdar, qarapaıym azamattar atsalysýda. Baıǵanın aýdanyndaǵy shyǵarmashylyq akademııanyń jáne Balalardy ońaltý ortalyǵynyń ashylýy «Baqytty bala» jobasynyń bir bóligi bolyp tabylady. Bizdiń basty maqsatymyz - balalardy Otanymyzdyń órkendeýi úshin salaýatty, myqty, aqyldy jáne rýhanı baı bolýǵa tárbıeleý, - dedi oblys ákimi óz quttyqtaý sózinde.
Jańa Akademııanyń qurylysy men jabdyqtalýyna 58 mln. teńge bólindi. Munda balalar bı úıirmesi, keskindeme, robototehnıka, foto-sheberhanalar, jergilikti tarıh, radıotehnıka, observatorııa jáne taǵy basqalary bar. Oǵan 800-den astam bala keledi.
Aıta keteıik, bul nysan ótken jyly Aqtóbede ashylǵan qazirgi zamanǵy shyǵarmashylyq Akademııasynyń analogy. Búginde shamamen 8000 bala 50-den astam túrli úıirmeler men sabaqtarǵa barady.