Keshe Astanadaǵy ýchaskelik jáne aýdandyq saılaý komıssııalarynyń, sondaı-aq qalalyq, aýdandyq ákimdikter ókilderiniń qatysýymen semınar-keńes bolyp ótti.
Jıynda Parlament Májilisi depýtattarynyń kezekten tys jáne máslıhattar depýtattarynyń kezekti saılaýyn ázirleý men ótkizý týraly áńgime qozǵaldy. Astana qalalyq saılaý komıssııasynyń tóraǵasy Muhtar Erketaevtyń semınar-keńeste málim etkenindeı, medısınalyq mekemeler men stasıonarlarda, áskerı bólimshelerde, áleýmettik medısınalyq ujymdarda 31 saılaý ýchaskesi qurylǵan. Saılaý úderisteri kezinde Astanada úsh aýdandyq saılaý komıssııasy, jıyrma bes aımaqtyq jáne 233 ýchaskelik saılaý komıssııasy jumys isteıdi. Al saılaý úderisine eki myńǵa jýyq saılaý komıssııasynyń músheleri tartylady.
Semınar-keńeste, sondaı-aq saılaý komıssııasy músheleriniń biliktilik deńgeıin arttyrý, ýchaskelik saılaý komıssııasy músheleriniń jalpy jaýapkershiligi jóninde áńgime qozǵaldy. Astana qalalyq saılaý komıssııasy tóraǵasynyń aıtýynsha, elordadaǵy ýchaskelik saılaý komıssııalary saılaý naýqanyna daıyn.
Álısultan QULANBAI.