Azııa oıyndarynda Qazaqstan qorjynyna kezekti altyn tústi. Djıý-djıtsýdan 77 kelide el namysyn qorǵaǵan Rýslan Israılov Azıada chempıony atandy dep habarlaıdy Olympic.kz.
Israılov fınaldyq synda qyrǵyzstandyq Nursultan Álimqulovty jeńdi.
"Qazaqstan halqynyń úmitin aqtap, altyn medal ıelengenip úshin qýanyshtymyn. Dál qazirgi kóńil-kúıim keremet. Áli chempıon atanǵanymdy sezine alar emespin. Ekinshi beldesýimde men álem chempıonyn jeńdim. Chempıondy jeńgen soń, barlyq qarsylasqa kúshim jetetinine sendim. Bul jeńisimdi barsha qazaqstandyqtarǵa arnaımyn", - deıdi Rýslan.
Bul djıý-djıtsý sheberleri jeńip alǵan ekinshi altyn. Keshe Darhan Nortaev chempıondyq ataqty ıelengen edi.
Sondaı-aq, 85 kelidegi A. Gavrıýlok qola medal úshin kúreste qyrǵyz sportshysyn jeńdi.
FOTO: Danııar Maılybaev, Qazaqstan UOK baspasóz qyzmeti