Aqtóbe oblystyq jastar saıasaty máseleleri basqarmasy men Aqtóbe qalalyq jergilikti polısııa qyzmeti arasynda jasalǵan kelisimge sáıkes «Jas saqshy» jobasynyń tusaýy kesildi.
Onyń quramy stýdentter men belsendi jastardan turady. Mundaǵy maqsat kámelettik jasqa tolmaǵandar men jastar arasyndaǵy tártipti qadaǵalaý. Sondaı-aq jasaq músheleri quqyq qorǵaý organdary ókilderimen birge ár túrli reıdterge jáne qylmystyń aldyn-alý sharalaryna qatysyp, qoǵamdyq tártipti buzǵandarǵa tıisti ákimshilik aıyptar qoldana alady.
- Oblysta 6 joǵary oqý orny, 45 arnaýly orta bilim berý mekemeleri bar. Osy oqý ortalarynda úzdik úlgerimge qol jetkizip, sonymen birge qoǵamdyq ómirge de belsene aralasatyndar az emes. osy ónegeli qyz-jigitterdiń basyn qosyp, «Jas saqshy» jasaǵyn quryp otyrmyz. Qoǵamdyq tártipti saqtaýǵa múddeli mundaı top bizdiń oıymyzsha artyqtyq etpeıdi dedi bul jóninde Aqtóbe oblystyq jastar saıasaty máseleleri basqarmasynyń basshysy Nurlan Kúntýov.
Temir Qusaıyn,
«Egemen Qazaqstan»
AQTО́BE