Jastarmen jumys jaqsarady

21 jeltoqsanda «Aq jol» QDP bas­shy­ly­ǵynyń jastar uıym­dary jetekshilerimen kezdesýi ótti. Oǵan «Jas maman», «Aýyl jas­ta­ry odaǵy», «Bolashaq» jáne t.b. qo­ǵamdyq birlestikterdiń ókil­deri, bıznes-qaýymdastyqtardyń jas jetekshileri men kásipkerler qatysty. «Sońǵy kezderi «Aq jol» partııasyna kirgenderdiń basym kópshiligi jastar. Sonyń biri – Parlament Májilisi depýtat­ty­ǵy­na eń jas kandıdat retinde 26 jastaǵy Erkebulan Ilııasov tirkelip otyr. Ol Kentaý transformator zaýytynyń vıse-prezıdenti, «Jas maman» birlestiginiń kósh­bas­shysy. Osyǵan oraı, partııa basshylyǵy jastarmen jumysqa aıryqsha mán berýde. Bul baǵyt Baqyt Sársekbaevtyń jetekshiligine tapsyryldy»,  dep atap ótti A.Perýashev. Kezdesýge qatysýshylar saı­laý­aldy tuǵyrnamanyń negizgi ere­jelerin qoldady, onyń ústine partııanyń bastamashyl jastar to­bymen daıyndalǵan kóptegen usy­nystar saılaýaldy qujatqa engizildi. «Aq joldyń» kásipkerlikti da­mytý týraly usynystary jastar bıznesin damytý jáne tutas el ekonomıkasynyń damýynyń ja­han­dyq jetistikterine jastar­dyń óz úlesterin qosý boıynsha is jú­zin­degi yntalandyrý bolady», – dedi «Agromashholdıng» AQ dırektorlar keńesiniń tóraǵasy  D.Kım. Kezdesý sońynda partııa tór­aǵasy A.Perýashev jas árip­tes­te­rin aldaǵy Parlament Májilisi men barlyq deńgeıdegi máslı­hat­tar saılaýlarynda daýys berýge belsene qatysýǵa shaqyrdy. Aldyńǵy kúni sondaı-aq «Aq jol» partııasy men Qazaq­stan­nyń ulttyq agro­óner­ká­sip pa­la­tasy arasynda Ynty­maq­tastyq týraly memorandýmǵa qol qoıyldy.  Qarashash TOQSANBAI. ASTANA.