Kezdesýdiń jaı-japsary baıandaldy

Keshe Jalpyulttyq sosıal-demokratııalyq partııasynyń Al­ma­ty qalalyq fılıalynyń jetekshileri Alataý aýdanynyń bir top turǵynymen kezdesti. Osy ara­da túsinikti bolý úshin qula­shyn jaıyp kele jatqan ońtústik astananyń jańadan qurylǵan aýdanynda zańsyz jer telimderin ıemdený, zańsyz qujattar arqyly baspana kóterý eń kókeıkesti má­se­lelerdiń qatarynda turǵanyn aıta ketelik. Bul jerde ańqaý el­diń quqyqtyq saýatsyzdyǵyn paı­dalanyp, jer telimderin zańsyz saýdalap jibergen pysyqaılar­dyń da qoltańbasy bar. Son­dyq­tan bul máselege áli núkte qoı­yl­dy dep aıtýǵa bolmaıdy. Osy kezdesýdiń jaı-japsary týraly bizge partııanyń Almaty qalalyq fılıalynyń tóraǵasy Ámirbek Tógisov baıandap berdi. – Búgin Alataý aýda­nynan bir top adam keldi. Olardyń jer telimderin zańdastyrýlary qajet. Buryn 600-ge tarta turǵyn Alataý aýdanynyń ákimdigine aryz­danyp, úıleriniń zańsyz qı­ra­tylǵandyqtaryn jetkizgen. Osy­dan keıin Alataý aýdany ákim­diginde qoǵamdyq uıym qurylyp, oǵan birneshe partııa qosylyp, osy máselege oń yqpal etpek bol­ǵanbyz. Kóktemde sol adam­dar­dyń ishinde 217 adamnyń qujaty durys ekendigin anyqtap, ony zańdas­tyrýǵa sheshim shyǵaryp, qalalyq jer basqarmasyna jibergen edik. Sol adamdardyń 50-60 shaqtysy memlekettik aktisin alyp, jer telimderin zańdas­tyr­ǵan. Qalǵan­dary­nyń máselesi áli sheshilgen joq, – dedi Ámirbek Tógisov. Qysqasy, JSDP Almaty qalalyq fı­lıalynyń tóraǵasy Ala­taý aýda­nynyń turǵyndary­men kezdesip, pikirlesip, zańdyq turǵyda keńester bergenin aıtty. Jáne olardyń qujattaryn du­rys­taýǵa kómektesip, bul máse­le­ni zań júzinde sheshýge oń yqpal etýge áreket jasaıtyndyǵyn jetkizdi.  Aınash ESALI. ALMATY.