Senat depýtattary Rashıt Ákimov pen Dáýren Ádilbekov Aqmola oblysynyń bir qatar aýdandarynda jumys saparymen boldy.
Arashaly aýdanynda aýdandyq máslıhat depýtattarymen jáne aýdan aktıvimen kezdesý barysynda depýtatar Elbasy Joldaýy men bes áleýmettik bastamalardyń iske asyrylýy jaıynda áńgimeledi.
Bes bastamanyń ishindegi gazdandyrý máselesi boıynsha aýdannyń magıstraldy gaz júıesin ótkizýde Anar, Aqbulaq, Ijevsk, Jibek joly, Bulaqsaı, Volgodonovka jáne Qoıgeldi eldi mekenderi kiredi.
Sondaı-aq, sapar barysynda R.Ákimov pen D.Ádilbekov «Olgınskoe» jáne «Plemhozıaıstvo Arshaly» atty JShS aýylsharýashylyq kásiporyndarynyń ujymdarymen kezdesip, sharýa qojalyqtarynyń týyndaǵan máselelerin tyńdap, suraqtaryna jaýap berdi.
Birjan sal aýdanyna jumys sapary barysynda «Kazger-Qus» JShS-niń qus fabrıkasynda kásiporynnyń tehnologııalyq úderisimen tanysty. Zaýytta 240 adam jumys isteıdi, kóbinese jergilikti turǵyndar. Qazirgi kezde munda jylyna 300 mıllıon jumyrtqa óndiriledi. Qus fabrıkasynyń jumyrtqa óndirisin tek Qazaqstan ǵana emes, alys jáne jaqyn shet elderdiń naryqtaryna da eksporttalady. Depýtattar budan soń Nevskıı aýylyndaǵy mektep qurylysyn kórdi jáne ótken jyly salynǵan «Kaz Ger» JShS-niń elevatory jumysymen tanysty.
Býrabaı aýdanynda depýtattar oblystyq jáne aýdandyq máslıhattardyń depýtattarymen, atqarýshy organdary men uıymdarynyń basshylarymen kezdesti. Kezdesý barysynda Shýche-Býrabaı kýrorttyq aımaǵynyń ınfraqurylymyn damytý boıynsha máseleler talqylandy. Aýdandyq máslıhattyń depýtattary men atqarýshy organdardyń basshylarynan Býrabaı aýdany Shýchınsk qalasynyń ınfraqurylymyn jańǵyrtý boıynsha birqatar usynystar tústi. Senat depýtattary bul máselelerdi nazarǵa aldy.
Senatorlardyń jumys spary Qorǵaljyn aýdanynda jalǵasty. Sapar barysynda depýtattar, «Aqjol-2030» jáne «AF Jer-888» seriktestikterinde bolyp, óndiristik alańdardyń jumysymen jáne shóp shabý naýqany barysymen, egin oraǵy kezeńine daıyndyq jumystarymen tanysty.
Ereımentaý aýdanyndaǵy depýtattardyń jumys sapary Novomarkovka aýylynan bastaldy. Tirek eldi mekeninde «Jańa Bereke» sharýa qojalyǵynyń jumys yrǵaǵymen tanysty.
Jalpy 3000 bas iri qara bordaqylaýǵa eseptelgen jańa keshenniń qasaphanasynyń jumysyna qyzyǵýshylyq tanytty. Senatorlar ıgilikke qosylǵan shet eldik óndiristik jeliniń zamanaýı tehnologııamen mal etin jilikteý ádistemesine, óndiristik qýatyna, jalpy jumys ornynyń sanyna, halyqqa qyzmet kórsetý yńǵaıyna, jumysshylardyń eńbek jaǵdaıyna molynan qanyqty. Kózben kórgen istiń jaıyna rızashylyq nıetpen laıyqty baǵa berdi.