Vengrııanyń bas shahary – Býdapeshtegi «Dýnaı Arena» sport kesheninde ótip jatqan jastar arasyndaǵy álem birinshiliginde myqtylar men osaldardyń ara-jigi ajyrap, jarys jolynda tek júldeli oryndar úshin talasýǵa kúsh-jigeri jetken boksshylar ǵana qaldy.
Bizdiń jigitter alǵashqy eki aınalymdy esh «shyǵynsyz» ótti. Desek te shırek fınaldyq mejege jetkende qatarymyz biraz sıredi. Atap aıtsaq, Rahat Serkebaev (52 kılo) brazılııalyq Lýıs Olıveırege, Beıbarys Jeksen (56 kılo) reseılik Vsevolod Shýmkovqa, Rahat Seıitjan (60 kılo) mysyrlyq Muhammed Madbýlı Mamdýge jáne Talǵat Sháıken (64 kılo) kýbalyq Idalberto Irıbarýge ese jiberip, kórermender qataryna qosyldy.
Esesine shırek fınalda Mahmýd Sabyrhan (49 kılo) reseılik Dmıtrıı Batıaıǵa, Ermahan Jaqpekov (69 kılo) vengrııalyq Tıbor Barbosýǵa, Nurbek Oralbaı (75 kılo) meksıkalyq Dıego Pachekoǵa, Saǵyndyq Toǵambaı (81 kılo) ýkraınalyq Vıtalıı Stalchenkoǵa, Aıbek Oralbaı (91 kılo) amerıkalyq Devıd Stıvenske jáne Damır Toıbaı (+91 kılo) mysyrlyq Ahmed Elvasqa san soqtyrdy.
Sóıtip, Qazaqstannyń jastar quramasynyń alty ókili jartylaı fınalda kúsh synasý quqyǵyna ıe boldy. Sonymen qatar, qyzdar arasyndaǵy saıysta da birneshe jerlesimiz aldaǵy kúnderi júldeli oryndar úshin talasady.
Ǵalym SÚLEIMEN,
«Egemen Qazaqstan»