Osy ájelerdi kórgen kishkentaılar «áıáı áje» dep qyzyqsa, eresekter áýendi ánderin qyzyǵa tyńdaıdy. О́nerpaz ájelerdiń halqymyzdyń dástúrli ánderin birigip shyrqap kele jatqanyna da bes jyl bolypty.
Iá, bári sol kórshi eldegi «Býranovskıe babýshkı»-den bastalǵan-dy. Zamandastarynyń ónerine tánti bolǵan ájeler ıgi bir ıdeıany iske asyrý úshin, apta saıyn jınalyp, án aıtyp, boıdaǵy daryndaryn oıatqan. Ilgeride Saıram aýdanynda biri – ustaz, endi biri – dáriger, esepshi men jemis óńdeý zaýytynyń tehnology bolǵan zeınetkerler, atap aıtqanda, Roza Úsenbekova, Kúlásh Báıdibek, Ánıpa Ysqaqova, Uljan Ońǵarbaeva, Qaldygúl Tumanbaeva jáne Tańsyq Bóribekovanyń apta saıynǵy «repetısııasy» nátıjesinde óner toby ómirge keldi. Birige án salyp, merekelik is-sharalarda óner kórsete bastady. Kóp uzamaı-aq kópshilikke tanyldy. Ájelerdi konserttik baǵdarlamalarǵa ǵana emes, teatrlandyrylǵan qoıylymdarǵa, sondaı-aq mýzykalyq beınebaıandarǵa túsýge shaqyratyndar kóbeıdi. Ulttyq merekelerdiń kózaıymyna aınaldy. Al sahnaǵa arnalǵan ulttyq kıimderdi tiktirýge ul-qyzdary kómektesipti. О́ner jolynda qol jetkizgen jetistikteri de az emes. Mysaly, Uly Jeńistiń 70 jyldyǵyna arnalǵan oblystyq saıysta I oryndy, oblystyq patrıottyq ánder baıqaýynda bas júldeni jeńip alǵan. Án arqyly jastardy otansúıgishtikke, týǵan jerdi qasterleýge, yntymaq-birlikke shaqyrýdy maqsat etken «Kórkem ájeler» jýyrda Astanada ótken «Qymyzmuryndyq» festıvalinde kópshilikti óz ónerlerimen tánti etken bolatyn.
Ǵalymjan ELShIBAI,
«Egemen Qazaqstan»
Túrkistan oblysy