Kógeristen shyqqan konstrýktor

Erbol jastaıynan qoly sheber, tehnıkaǵa beıim bolyp ósipti. Kishkene kezinde-aq ózine unaıtyn oıynshyqty ózi jasap alady eken. Keıin qoldan kólik qurastyrý týraly oıyn aýyldas­taryna aıtyp kórgenimen, oǵan eshkim sene qoımapty. Kerisinshe, kúlgender kóp eken.

Erbol oılandy, ıdeıasyn pisir­di. О́ziniń ne qurastyratynyn, ol úshin ne isteý kerek ekendigin bildi. Qajetti qural men jabdyqty, qosalqy bólshekterdi el aralap jınady, keıbirin surap, keıbirin satyp aldy. Sóıtip bıyl 7 kún­niń ishinde óziniń traktoryn quras­tyryp shyǵardy. Áýeli, qol­dan kóliktiń qańqasyn quras­tyr­dy. Oǵan «Jıgýlıdiń» artqy bel­temirin ornatty. Kólikke buryn shopandar qudyqtan sý tartý­ǵa paıdalanǵan ZID motory bekitil­di. «Jıgýlıdiń» qozǵaltqysh korobkasy ornatyldy. Sodan «Jıgýlı» sııaqty 5 deńgeıli jyl­­dam­­dyqpen qozǵalatyn boldy. Biraq saǵatyna 60 shaqyrymdy júrý Erbolǵa kerek emes edi. Sol sebepti ol kóligine jańa shkıv taqty. Jańa shkıv agregattardyń, ıaǵnı shóp shabatyn oraq pen tyrnaýyshtyń shabyndyqtyń betinde úzilissiz, qalypty jumys jasaýyna múmkindik berdi. Aıt­paqshy, Erbol tyrnaýyshty da kól­igine laıyqtap ózi jasap aldy. Keńes kezindegi ógizge arnalǵan 1, 2 metrlik oraq jańa qondyrǵy­ǵa keremet úılese ketti. Kóliktiń aldyna «Jıgýlıdiń», al artyna «GAZeldiń» dóńgelegi taǵyldy. Qazir Kógeriste jasalǵan traktor shabyndyqta shóp shaýyp, shapqan shópti aýylǵa tasyp, «burqyratyp» júr. Erbol endi traktoryna laıyqtap shóp taılaǵysh jasap almaq. Shańsorǵyshtyń motorynan jem jaratyn apparat jasap júrgen Erboldyń basynda ıdeıa degen jetetin sııaqty.

Erbol traktorynyń eńbek ónimdiligine kóńili tolatynyn aıtady. Máselen, traktor ózi shaýyp, ózi tyrmalap, kúnine 5 býma­nyń shamasynda shóp daıyndaıdy. Adam kúshi tek tehnıkany bas­qarýǵa ketedi. Qyrýar jumysty bir ózi ja­saıtyn traktordyń bir kún­de jaǵatyn benzıni 5 lıtrge de jet­peıdi. Qazir Erbol eki aýlaǵa da jetetin shóp qoryn daıyndap bolyp qaldy.

Baýyrjan ShIRMEDINULY,

jýrnalıst

Batys Qazaqstan oblysy