Búginde elordada kómir ónimin satatyn 7 negizgi oryn bar. Qatty otynnyń jalpy qory 15 myńnan astam tonnany quraıdy, dep habarlaıdy Astana ákimdiginiń resmı saıty.
Dál qazirgi tańda Astanada kómir máselesi baıqalmaıdy. Halyqqa qajetti qatty otynnyń jalpy qory 25 tamyzdaǵy jaǵdaı boıynsha 15 111 tonnany quraıdy.
17-25 tamyz aralyǵynda astanaǵa 90 vagon nemese 6223 tonna kómir kelip tústi.
Sonymen, Shubarkól kómiriniń bir tonna baǵasy 12500-14500 teńgeni quraıdy, Qarajyra – bir tonnasy 14000 teńge, Maıkóbe – bir tonnasy 12500 teńge.
Aıta ketken jón, «Astana qalasynyń otyn-energetıkalyq kesheni jáne kommýnaldyq sharýashylyq basqarmasy» kómir satýshylarmen baǵany ósirmeý týraly memorandýmǵa qol qoıǵan bolatyn.
Astana qalasynyń ákimdigi kómir naryǵyndaǵy jaǵdaıǵa kún saıyn monıtorıng júrgizip ári baqylaýynda ustap otyr. «iKómek 109» bazasynda halyqpen tikeleı baılanys jelisi quryldy.