Qazaqstan Respýblıkasy Úkimetiniń qaýlysy №1212

2011 jylǵy 28 qazan, Astana, Úkimet Úıi Uzaq merzimdi orman paıdalaný kezinde orman paıdalanýshylar  ázirleıtin órtke qarsy is-sharalar josparlaryna qoıylatyn talaptardy aıqyndaý týraly Qazaqstan Respýblıkasynyń 2003 jylǵy 8 shildedegi Orman kodeksiniń 12-babynyń 17) tarmaqshasyna sáıkes Qazaqstan Respýblıkasynyń Úkimeti qaýly etedi: 1. Qosa berilip otyrǵan uzaq merzimdi orman paıdalaný kezinde orman paıdalanýshylar ázirleıtin órtke qarsy is-sharalar josparlaryna qoıylatyn talaptar bekitilsin. 2. Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi. Qazaqstan Respýblıkasynyń Premer-Mınıstri  K.MÁSIMOV. Qazaqstan Respýblıkasy Úkimetiniń 2011jylǵy 28 qazandaǵy №1212 qaýlysymen bekitilgen Uzaq merzimdi orman paıdalaný kezinde orman paıdalanýshylar ázirleıtin órtke qarsy is-sharalar josparlaryna qoıylatyn talaptar 1. Orman qory ýchaskeleri orman paıdalanýǵa berilgen orman paıdalanýshylar jyl saıyn órtke qarsy is-sharalardyń josparlaryn (budan ári – Jospar) ázirleıdi jáne ony iske asyrady. Jospar mynadaı eki bólimnen turady: 1) órtke qarsy aldyn alý is-sharalary; 2) orman órtterin sóndirý is-sharalary. 2. Jospardyń birinshi bóliminde shekarasynda orman paıdalanýǵa berilgen orman qory ýchaskesi (ýchaskeleri) ornalasqan orman ıelenýshiniń orman ornalastyrý materıaldaryna jáne ormandardy órtke qarsy ornalastyrý josparlaryna negizdelgen jumystardyń naqty kólemderi men olardy ótki­zý oryndary kózdeledi. Josparlanatyn is-sharalar is-árekettiń dáıektiligin, budan buryn oryndal­ǵan jumystardyń jalǵastyrylýyn kózdeıdi jáne orman ıelenýshiler men orman paıdalanýshylardyń orman qorynyń kórshiles ýchaskelerde atqaryp jatqan jumystarymen baılanystyrylady. Jospardyń bul bóliminde qaıda jáne qandaı merzimde órtke qarsy jyralar qazylatyny, órtke tózimdi orman sheti qurylatyny, mıneraldy jáne órtke qarsy basqa da qorǵanyshtyq jolaqtar tartylatyny, orman sharýashylyǵy jáne órtke qarsy joldar, órt sóndirý sýattary, órt qadaǵalaý munaralary, machtalar, tikushaq kelip qonatyn alańshalar, telefon baılanysy jelileri salynatyny, radıo baılanysy uıymdastyrylatyny kórsetiledi. Josparǵa sondaı-aq burynnan bar órtke qarsy jyralar men jolaqtarǵa kútim jasaý, órt qadaǵalaý munaralary men órtke qarsy qural-jabdyqtar men tehnıkany, joldardy jóndeý, ýaqytsha órt kúzetshilerin jaldaý jónindegi jumystar engiziledi. Barlyq jumystar úshin kúntizbelik oryndalý merzimderi jáne osy jumystardyń oryndalýyna jaýapty adamdar, kólemi men quny belgilenedi. 3. Jospardyń ekinshi bóliminde órtterdi óz kúshterimen de, bul órtterdi qandaı da bir sebeptermen orman paıdalanýshynyń kúshterimen jáne quraldarymen quryqtaý múmkin emes jaǵdaılarda sóndirýdi uıymdastyrý jónindegi sharalar kózdeledi. Sońǵy jaǵdaıda memlekettik orman ıelenýshimen kelise otyryp orman órtin sóndirýge jiberiletin atalǵan orman mekemesiniń kúshteri men tehnıkalyk quraldary, sondaı-aq orman qorynyń tıisti ýchaskesinde ornalasqan aýdandaǵy eldi mekenderde ornalasqan ózge de uıymdardyń kúshteri men tehnıkalyq quraldary aıqyndalady. Bul bólimde orman órtterin sóndirý, orman órtterin sóndirýmen aınalysyp jatqan adamdardy tamaqtandyrý men medısınalyq kómekti, baılanysty uıymdastyrý úshin erikti qoǵamdyq quramalar (komandalar) qurý, sondaı aq órt qaýipi bar maýsymǵa janar-jaǵar maı materıaldarynyń qoryn jasaý orman paıdalanýshynyń esebinen kózdeledi. 4. Orman qory ýchaskeleri orman paıdalanýǵa berilgen orman paıdalanýshylardyń órtke qarsy is-sharalardyń josparlary aǵymdaǵy jyldyń 15 aqpanynan keshiktirilmeı kelisý úshin memlekettik orman ıelenýshilerge beriledi. Orman paıdalanýshynyń órtke qarsy is-sharalarynyń jospary memlekettik orman ıelenýshimen kelisiledi jáne ony orman paıdalanýshynyń ózi bekitedi.