Jaıylymǵa ketken úı janýarlaryn izdeý birneshe saǵatqa sozylýy múmkin. Olardyń naqty ornyn, zamanaýı qurylǵy kómegimen, birneshe sekýndta anyqtap berýge bolatyndyǵyn, Koreıa eliniń startaperleri Cheil Kazakhstan jáne Samsung Electronics Central Eurasia qyzmetkerlerine aıtyp berdi.
Bul ıdeıa - Lives’talk tobynyń kóshbasshysy Iýn Iаngchenge tıesili. Ol Qazaqstandyq fermerlerdiń kúndelikti sharýasyn qıyndatatyn bul problemany eki jyl buryn anyqtaǵan bolatyn.
«Shopandarǵa joǵalǵan maldaryn alystaǵy taý-tastardan 5-6 saǵat boıy izdeýge týra keledi! Bul oıǵa syıǵysyz beınet!» – deıdi Iаngchen.
Koreılik maman fermerlerge kómektesý jolyn izdep, tapty. Ideıa negizi zamanaýı tehnologııany paıdalanýdan turdy – taratýshysy bar moıyn baılaý, qabyldaǵysh pen smartfon.
Janýarǵa baılanǵan taratqysh, onyń turǵan naqty orny týraly málimetti fermerdegi qabyldaǵyshqa jiberedi jáne Bluetooth arqyly aqparat mobıldik qurylǵyǵa túsedi.
Lives’talk toby óz jobasyn, 1865 startaperler toptary básekelesken Samsung Tomorrow Solution baıqaýyna usyndy. Samsung Tomorrow Solution – bul 2013 jyldan bastap 7000 komanda jáne 30 000-nan astam qatysýshy jarysqan, áleýmettik bastamalar baıqaýy. Qazirgi tańda Samsung Electronics jalpy somasy mıllıard koreılik vonǵa jýyq qarajatty ($900,000) Samsung Tomorrow Solution baıqaýynyń 40 jeńimpazyna syılap, odan ári ıdeıalardy júzege asyrýda jan-jaqty qoldaý kórsetti.
Iаngchen toby bul baıqaýda birinshi oryndy ıelendi! Al bul óz kezeginde, shamamen eki myńnan astam keıster ishinde, Qazaqstandaǵy mal sharýashylyǵy salasyndaǵy máseleler Samsung shtab-kvartırasynyń nazarynan tys qalmady degendi bildiredi.
Kompanııa jobany júzege asyrýda, qarajat jaǵynan qomaqty qoldaý kórsetýde – aǵymdaǵy jyly joba shyǵyndaryna 300 000 AQSh dollary jumsalsa, keler jyly 500 000 dollar bólinbek. Jyl boıy Lives’talk tobyna tehnıkalyq jaǵynan Samsung C-Lab qyzmetkerleri kómek beredi.
Ázirge prototıptiń ózindik quny 10 mal basyna tolyq qurylǵysy 700 dollar turady. Startaperler ónimniń sońǵy shyǵarylymyna deıin bul shyǵyndardy 300 dollarǵa deıin tómendetpek jáne de jobany Álemdik bank pen Azııalyq damý bankinen sýbsıdııalar alý múmkindigin kózdep otyr.
Taratý qurylǵysy, árbir 10 sekýnd saıyn aqparat taratý jıiliginde, úsh kúnge deıin qyzmet etedi. Qyzmet kórsetý radıýsy – 5-6 kılometr. Qabyldaǵysh qurylǵy bir mezette 1600 taratýshy qurylǵydan aqparat qabyldaı alady. Biraq, bul bastapqy ǵana sıpattamasy.
«Biz qurylǵyny tekserýden ótkizip jatyrmyz. Tolyqtyrýdy talap etetin fýnksııalary bar. Máselen, paıdalaný talaptaryna saı jumys isteý merzimin eki-úsh aptaǵa sozý kerek. Sońǵy ónim túrin, kelesi jyldyń kóktem mezgilinde usynýdy josparlap otyrmyz», – deıdi Iаngchen.
О́z sózinen, 2019 jylǵa jospar kelesideı: jańa ónimdi Qazaqstannyń ońtústik óńirindegi Myńjylqy jáne Qyzylorda jerlerinde 50 mal sharýashylyqtarynda testileý. Kelesi kezeńde taǵy birneshe aýdandar qamylatyn bolady.
Iаngchenniń aıtýynsha, qurylǵy testileýden ótip jatqan jer, Myńjylqy tabıǵaty, ózindik sánimen tań qaldyrǵan eken.
Iаngchen: «Bul jerdiń keremet taýlary men ormandary arasynda, álemdi qazirgiden de jaqsyraq etýge qushtarlyǵyń oıanady eken!», – dep oı túıdi.